سه‌رۆك بارزانى ل پیرمام پێشوازى ل شانده‌كێ حكوومه‌تا بریتانیا كر و دانوستاندن لدور پێشهاتێن پرۆسا سیاسیا عیراقێ و په‌یوه‌ندیێن هه‌رێما كوردستانێ و حكومه‌تا فیدرال كرن.
ئه‌ڤرۆ ل سه‌لاحه‌دین سه‌رۆك مه‌سعود بارزانى پێشوازى ل شانده‌كێ حكومه‌تا بریتانیا ب سه‌رۆكاتیا لۆرد ئه‌حمه‌د وه‌زیرێ ده‌وله‌تێ بۆ كاروبارێن رۆژهه‌لاتا ناڤه‌راست و باكوورێ ئه‌فریقیا و باشوورێ ئاسیا و نه‌ته‌وێن ئێكگرتى ل وه‌زاره‌تا ده‌رڤه یا بریتانیا كر.
د دیدارێدا مارك برایسۆن ریچاردسۆن بالیۆزی بریتانیا ل عیراقێ و رۆزى كه‌یڤ كونسولێ بریتانیا ل هه‌ولێرێ ئاماده‌بوون، لۆرد ئه‌حمه‌د رێز بۆ خه‌بات و تێگوشانا سه‌رۆك بارزانى هه‌بوو و رۆل و كارتێكرنا سه‌رۆك بارزانى بۆ بجهئینانا ئارامیێ ل هه‌رێما كوردستانێ بلند نرخاند.
هه‌ر د وێ دیدارێدا رۆناهى ئێخسته لسه‌ر ره‌وشا سیاسییا ده‌ڤه‌رێ و باس ل دوماهى پێشهاتێن د ناڤا پرۆسا سیاسییا عیراقێ و په‌یوه‌ندیێن هه‌رێما كوردستان و حكومه‌تا فیدرال یا عیراقێ كر.
د پشكه‌كا دى یا كۆمبوونا خودا، لدور ره‌وشا هه‌رێما كوردستان و ناكوكیێن سیاسى یێن دناڤبه‌را لایه‌نان ئالۆگوركرن و سه‌رۆك بارزانى دوپاتى ل هندێ كر كو پێدڤیه دئه‌ڤساله‌دا هه‌لبژارتنێن هه‌رێمێ بهێنه‌كرن.
په‌یوه‌ندیێن دناڤبه‌را هه‌رێما كوردستان و بریتانیا ئێك ژ ته‌وه‌رێن دى یێن وێ دیدارێ بوو كو هه‌ردوو لایان دۆپاتى ل گرنگیا پێشئێخستنا وا‌ن په‌یوه‌ندیان كر.
