نێچیرڤان بارزانى پێشوازى ل بالیۆزێ رووسیا كر

نێچیرڤان بارزانى سه‌رۆكێ هه‌رێما كوردستانێ د دیداره‌كێدا دگه‌ل ئێلبرۆس كوتراشیڤ بالیۆزێ رووسیا ل عیراقێ و شاندێ دگه‌لدا، ره‌وشێن سیاسى و ئابوورییێن عیراقێ، په‌یوه‌ندییێن هه‌ولێر و به‌غدا و چاره‌سه‌ركرنا ئاریشه‌یێن دناڤبه‌را واندا، گوتوبێژكرن.

ژلایه‌كێ دیڤه‌ هه‌ردوو لایان هرز و بیر ل دۆر په‌یوه‌ندییێن رووسیا دگه‌ل عیراق و هه‌رێما كوردستانێ و دووماهى سه‌ره‌دانا وه‌زیرێ ده‌رڤه‌ یێ رووسیا بۆ به‌غدا لێكگۆهارتن، هه‌روه‌سا پێشهاتێن شه‌رێ ئوكرانیا و ره‌وشا ده‌ڤه‌رێ ب گشتى ته‌وه‌ره‌كێ دییێ دیدارێ بوو.