رێواز فایق: هەلبژارتن بابەتەکێ نیشتیمانییە و پێدڤیە بهێنە کرن

سەرۆکا پەرلەما کوردستانێ ڕادگەهینیت، ئامادەکاری بۆ هەلبژارتنان ژ کارێن مە یێن دەستپێکییە و هەلبژارتن بابەتەکێ نیشتیمانییە و پێدڤیە بهێنە کرن.

رێواز فایق، سەرۆكا پەرلەمانێ كوردستانێ د کۆنگرەیەکێ ڕۆژنامەڤانیدا ڕاگەهاند، ب ڕاوێژکرن دگەل هێز و لایەنێن سیاسی کارێ دەستپێکی یێ پەرلەمانێ کوردستانێ یە ژ بۆ ئامادەکارییێن یاسایێن هەلبژارتنێن خولا شەشێ یێن پەرلەمانێ کوردستانێ.

رێواز فایق گۆتژی، ھەلبژارتن بابەتەكی نیشتمانییە و پێدڤییە ھەمی هێزێن سیاسی باوەری ب هەلبژارتنان هەبیت.
پشتی کۆمبوونا هەردوو دەزگەهێن هەلبژارتنا یێ پارتی و مەکتەبا هەلبژارتنێن پارت ل هەولێرێ، بڕیار دا ل سەر ئاستێ دەزگەهێ هەلبژارتنان ب هەڤپشکی دگەل لایەنێن دی گوتوبێژێن زێدەتر بکەن.

دهێتە زانین د کۆمبوونا پارتی و ئێکەتیێ دا ل سەر ئاستێ دەزگەهێ هەلبژارتنان ل سەر چار خالان ڕێککەفتبوون کو پێکهاتینە ژ:
– هەلبژارتنێن په‌رله‌مانێ كوردستان ب چار بازنهیان بهێنە ئەنجامدان.
– شێوازێ هەلبژارتنان نیڤ ب لیستا ڤەکری و نیڤ ژی ب لیستا گرتی بیت.
– ژمارا کورسییێن بازنان ل سەر بنەمایێ ئامارا وەزارەتا بازرگانییا عیراقێ بیت.
-هەماهەنگی دگەل کومسیۆنا بلند یا هەلبژارتنێن عیراقێ بهێتە کرن بۆ مفا وەرگرتن ژ لیستا تۆمارا دەنگدەران.