ژبۆ خورتكرنا كهرتێ وهبهرهێنانێ د بیاڤێ ئابووریدا، كۆمهلا دۆستایهتى كورد و ئهڵمان رابو ب ئهنجامدانا كۆربهندهكێ بهرفرههـ ل بهرلینێ، ب پشكداریا بهرپرسێن ئیدارى یێن حكومهتا ههرێما كوردستانێ.
رێكخهرێ وى كوربهندى ئارمانج عهگید نێروهى لدور مهرهما بهستنا ئهڤى كۆربهندى بۆ ئاژانسا خانى دا دیاركرن، مهرهم ژڤى كۆربهندى ئهوه دهستپێكهك بۆ بهێزكرنا پهیوهندیێن وهبهرهێنانێ و ئابوورى وبازرگانی دناڤبهرا ههرێما كوردستانێ و ئهڵمانیا پهیداكهت.
ناڤبرى ئاماژه ب هندێ ژى كر كو كوربهند پێكهاتبوو ژ چهندین دیدار و پانێلێن ههڤپشك لدور بابهتێن ئابوورى و جورێن وهبهرهێنانێ یێن بهردهست ل ههرێما كوردستانێ.
ههروهسا نێروهى گوت، شاندێ ههرێما كوردستانێ ئهوێ پشكدار دڤى كۆربهندیدا چهندین سهرهدان بۆ سازیێن فهرمى یێن ئهڵمانى ئهنجامدان و ژلایێ بهرپرسێن بلند یێن وى وهلاتى هاتینه پێشوازیكرن.
