هژماره‌كا پرۆژان دێ ل شنگالێ هێنه‌ بجهئینان

ئاژانسا خانی ” تایبه‌ت:

 

ئه‌ندامه‌كێ جڤاتا نوونه‌رین عیراقێ ژ فراكسیۆنا پارتی دیموكراتی كوردستان دیا كر، مه‌ وه‌كو فراكسیۆنا پارتی ل جڤاتا نوونه‌رێن عیراقێ گه‌له‌ك بزاڤ كرینه‌” كو هژماره‌كا پرۆژان ل ده‌ڤه‌را شنگالی بهێنه‌ بجهئینان، هه‌روه‌سا خه‌لكێ شنگالێ بهێته‌ قه‌ره‌بووكرن و دیسان چه‌ندین ده‌لیڤێن كاری ژی دێ بۆ خه‌لكێ وێ ده‌ڤه‌رێ هێنه‌ په‌یدا كرن.

مەحما خەلیل، زێده‌تر بۆ ئاژانسا خانی دبێژیت: ب ره‌نگه‌كێ بەردەوام ل گه‌ل حکومەتا فیدرالی یا عیراقێ داینه‌” ژ پێخه‌مه‌ت ره‌وشا شنگالێ بهێته‌ ئاسایی کرن و دیسان ده‌ڤه‌را شنگالێ بهێته‌ ئاڤه‌دان كرن و چه‌ندین پرۆژێن گرنگ دێ ل شنگالێ هێنه‌ بجهئینان.

ناڤهاتی گۆت ژی: چەکێ قەرەبووكرنێ دێ ل سەر چار ھـزار زیان ڤێکەفتی یێن شنگالێ هێته‌ دابەش كرن و چه‌ندین ھزار ده‌لیڤێن كاری ژی دێ بۆ وه‌لاتی یێن وێ ده‌ڤه‌رێ هێته‌ دابین كرن و چه‌ندین پرۆژێن خزمەتگوزاری دێ بۆ خه‌لكێ هێنه‌ چێكرن.”

مه‌حما خه‌لیل دبێژیت ژی: دێ هه‌موو بزاڤان كه‌ین كو رێككه‌فتنا شنگالێ بهێته‌ بجهئینان و خه‌لك ڤه‌گه‌رنه‌ڤه‌ سه‌ر جهـ و وارێن خۆ.