وەزارەتا پێشمەرگەی ڕاگەهاند، بۆ دویرئێخستنا وان مەترسییێن ئەمنی یێن کو پاشماوێن گڕۆپێن تیرۆرستی یێن داعش ل سەر دەڤەرێ و خەلکی دروستکرین، هێزێن پێشمەرگەیێ کوردستانێ ئۆپەڕاسیۆنەکا پاقژکرنێ ل وان دەڤەرا ئەنجامدا، کو گومانا هەبوونا جهێن ڤەحەواندنا تیرۆرستێن داعش لێ هەبوو.
د چوارچوڤێ ڕاگەهاندنەکا وهزارهتا پێشمهرگەی یا حكومهتا ههرێما كوردستانێ دا ئاماژە کریە، ئەڤرۆ (شەمبی 4ـی ئادار 2023)، لیوایا 14 یا پیادە یا سەر ب وەزارەتا پێشمەرگەیڤە، ب هەڤکاری و پشتەڤانییا پشکا (K9) یا سەر ب وەزارەتا پێشمەرگەیڤە، لەبنارا چیایێ قەرەچوغ ئۆپەراسیۆنەکا پاقژکرنێ ب سەرکەفتیانە ئەنجامدا.
هەروەسا د ڕاگەهاندنا وەزارەتا پێسمەرگەی دا هاتیە؛” د ئۆپەڕاسیونێ دا لیوایا 14 یا پیادە، گوندێن( گاوار و خدرجیجە) تا جاددا مەخموور ل بنارا چیایێ قەرەچوغ پاقژکرن.
وەزارەتا پێشمەرگەی دوپاتکریە، ئارمانج ژ وێ ئۆپەڕاسیۆنێ، ژناڤبرنا جهێن ڤەحەواندن و مانا تیرۆرستان بوو، هەڤدەم بەرقەرارکرنا ئاشتی و ئارامی و ئێمناهی و ئاشتییا زێدەتر یا وان دەڤەران بوو کو گومانا هەبوونا پاشماییێن چەکدارێن داعش لێ دهاتە کرن.
