بەرپرسێ قانوونی ل پشکا ھەلبژارتنێن پارتی دیموکراتی کوردستان ئاشکرا کر، بابەتێ کۆرسی یێن کۆتا گرێدایی پێکھاتەیان، نابیت چ لایەن ئیرادەیا خوە لسەر پێكھاتەیان بسەپینن و بەرۆڤاژی ئەو د ئازادن چ بڕیارێ بدەن.
ھاوار محەمەد، بەرپرسێ قانوونی ل ھەلبژارتنێن پارتی دیموکراتی کوردستان بۆ ئاژانسا خانی دیارکر” کۆرسی یێن کۆتا گرێدایی حزب و لایەنێن پێکھاتەیانڤە ھەیە و ب دیتنا مە وەکو پارتی دیموکراتی کوردستان پێدڤیە پێکھاتە ب خوە بڕیارێ بدەن و نابیت چ لایەنێن دی ئیڕادا خوە ل سەر یا وان بسەپینن، واتە پێکھاتەیێن ھەرێما کوردستانێ چاوا دگەھنە رێکكەفتنێ ب وی شێوەیی بلا پشکداری د ھەلبژارتنێن ھەرێما کوردستانێ دا بکەن و ئەم ل گەل دەستێوەردانێ نینین دناڤا کاروبارێن پێکھاتەیان دا،چەندین جاران ژی سەرکردایەتیا پارتی تەکه‌زی لسەر ڤێ چەندێ کرییە.
ناڤهاتی گۆتژی” نوونەرێن پێکھاتەیان دگەل نەتەوێن ئێکگرتی کۆمبووینە و ھەر بڕیارەکا ئەو بدەن لدۆر سیستەمێ ھەلبژارتنا کۆرسی یێن کۆتا ئەم دێ رێزێ ل بۆچوونا وان گرین، ئەو د ئازادن چ سیستەم پشکداریێ د پرۆسا ھەلبژارتنان دا بکەن و گرنگ ئەوه ئەو ب خوە بگەھنە ئەنجامەکی و شێوازێ دیارکرنا کۆرسی یێن کۆتا بھێتە ئێکلا کرن.
