رێڤه‌به‌ریا گشتییا فه‌رمانگه‌ها كارگێرى و دارایى ل وه‌زاره‌تا خواندنا بلند و ڤه‌كۆلینێن زانستى یێن حكومه‌تا هه‌رێما كوردستانێ راگه‌هاند، ل سه‌ر رازیبوونا مه‌سرور بارزانى سه‌رۆكێ حكومه‌تا هه‌رێما كوردستانێ ده‌رمالێن ئه‌ڤساله یێن قوتابیێن زانكۆ و په‌یمانگه‌ها دێ هێنه مه‌زاختن.
توانا نه‌جه‌ف رێڤه‌به‌رێ گشتییێ فه‌رمانگه‌ها كارگێرى و دارایى ل وه‌زاره‌تا خواندنا بلند و ڤه‌كۆلینێن زانستى ل حكومه‌تا هه‌رێما كوردستانێ راگه‌هاند، مه‌سرور بارزانى سه‌رۆكێ حكومه‌تا هه‌رێما كوردستانێ رازیبوون لسه‌ر مه‌زاختنا ده‌رمالێن قوتابیێن زانكۆ و په‌یمانگه‌هان داكو بۆ قوتابیێن دناڤ باژێرى 40 هزار دینار و ده‌رڤه‌ى باژێرى 60 هزار دینار بۆ هه‌ر هه‌یڤه‌كێ دێ هێنه مه‌زاختن كو 200 ملیار دینار بۆ وێ مه‌ره‌مێ هاتینه دابینكرن، و دێ لسه‌ر 113 هزار قوتابیان هێنه دابه‌شكرن.
