رۆژا جیهانیا ئافرهتا ن ب گهرمى ل ههمى ژنێن كوردستان، عیراق و جیهانێ پیرۆز دكهم، داخازا سهركهفتنێن زێدهتر و بهردهوام بۆ دخوازم.
ئافهرهتان چهند ساله خو رێكخستیه و د ههمى بوواراندا خهباتێ دكهن بۆ دابینكرنا مافێن خۆ یێن رهوا ژبۆ نههێلان و ژناڤبرن و توندوتیژى و بهرهنگاربوونا نایهكسانیێ. وهكى بهرى نوكه د بوارێ چاكسازیا یاسایى و سیاسى ، جڤاكى، سهربهخۆیا دارایى و پهروهردێدا مه پشتهڤانیا ژنان كریه، و دێ بهردهوام بین و ههمى دهمان دێ پشتهڤانیا خهباتا وان كهین ژبۆ مسوگهركرنا ههمى مافێن وان.
چ كۆمهلكههـ بێى ئازادیا ئافرهتێ ئازاد نینن و پێشناكهڤن. دێ كاركهین ژبۆ هندێ ههرێما كوردستانێ ژبۆ هندێ زێدهتر ئافرهت پشكداریێ د ژیانا سیاسى و رێڤهبرن و ل ههمى بوارێن دیدا بكهت، توندوتیژى دژى ئافرهتان و پێشێلكرنا مافێن وان جهێ دلگرانیێ یه و دڤێت ب دوماهى بهێت.
دڤى سهردهمیدا ههرێما كوردستانێ پێدڤى ب كار و سیاسهت و ستراتیژیا نوى، و ب پشكداریا ههمیان ههیه. پهروهرده و فێركرن و گرنگیدان ب ڤهكۆلینێن ئهكادیمى و كارێن زانستى ، هشیارى و دانوستاندنێن دگهل ههمى لایان، كو باشترین رێكن بۆ گههشتن بۆ ڤێ ئارمانجی.
پهسن و دهستخۆشى بۆ وان خانمێن باوهرى ب خو ههى، كو د كار و بوارێن جودا یێن ژیانێ پێشڤهچووینه و خۆ سهلماندیه، و ئهرك و كارێن خو ب سهركهفتى دهربازكرینه و بوینه پێشهنگ. ههروهىسا ئافرهتێن كوردستانێ، پێدڤیه مل بملێ ژنێن جیهانێ، ئامادهی و پشكداریێن زێدهتر ههبن د بابهتێن ئافرهتاندا و بابهتێن دى یێن ژیانێ.
ب ڤێ ههلكهفتێ كار و خهباتا ئافرهتێن كوردستانێ ل رێكخراوێن حكوومى و ناحكوومیدا، ل فهرمانگههـ و و جهێن كارى بلند دنرخینین و ب رێز و تهقدیرڤه ل ئهرك و زهحمهت و ماندیبوونا ههمى وان خانمێن نهراوستیاین، كو دههر بوارهكێ كهرتێ گشتى و تایبهتدا كاردكهن و پشكداریهكا كارا ب رێڤهبرن و بنیاتنانا جڤاك و وهلاتیدا دكهن.
سلاڤ ل گیانێ پاكێ ههمى ئافرهتێن ل پێناڤ یهكسانى و بدهستڤهئینانا مافێن ژنان گیانێ خۆ كریه قوربانى و ههمى وان ئافرهتێن بۆینه قوربانیێن توندوتیژیێ، گیانێ وان شاد و ههمى بیرهوهریێن وان ب خێرو خوشى.
شكوداربیت بیرهوهریا ههشتێ مارس، رۆژا جیهانیا ئافرهتان.
نێچيرڤان بارزانى
سهرۆكى ههرێما كوردستانێ.
