ده‌زگه‌هێ هه‌لبژارتنێن پارتى و ئێكه‌تییێ: كۆمبوونێن مه‌ دێ دبه‌رده‌وام بن

پشكا هه‌لبژارتێن پارتى دیموكراتى كوردستان و ده‌زگه‌هێ هه‌لبژارتنێن ئێكه‌تییا نیشتیمانى كوردستان كۆمبوون و دووپاتى ل سه‌ر به‌رده‌وامبوونا كۆمبوونان كر.

پشتى كۆمبوونا ئه‌ڤرۆ، زانا مه‌لا خالد سه‌رۆكێ فراكسیۆنا پارتى دیموكراتى كوردستان و زیاد جه‌بار سه‌رۆكێ فراكسیۆنا ئێكه‌تییێ ل په‌رله‌مانێ كوردستانێ پرێسكۆنفرانسه‌كێ هه‌ڤپشك سازكر.

زانا مه‌لا خالد ل دۆر هه‌مواركرنا قانوونا هه‌لبژارتنان گوت: لێكتێگه‌هشتنه‌كا گه‌له‌ك باش هه‌یه‌ و خالێن هه‌ڤپشك زێده‌تربوون.

هه‌ردوو لایان دانوستاندن ل سه‌ر كورسییێن پێكهاته‌یان كر، سه‌رۆكێ پارتی دیاركر، ئه‌و دگه‌ل ئێكه‌تییێ د هه‌ڤرابوون كو پێدڤییه‌ رێز ل ئیراده‌یا پێكهاته‌یان بهێته‌گرتن.

هه‌روه‌سا زیاد جه‌بار دووپاتى ل هندێ كر، لێكتێگه‌هشتنه‌كا گه‌له‌ك باش هه‌یه‌ و كۆمبوون دێ دبه‌رده‌وام بن.