ئه‌ڤڕۆ چارشه‌مبی 8 ی ئادارا 2023 ێ “، مەسرور بارزانى، سه‌رۆكێ حکومەتا هه‌رێما كوردستانێ پێشوازی ل ئۆدرى ئازوولاى، رێڤه‌به‌را گشتی یا ڕێكخراوا نه‌ته‌وێن ئێكگرتی بۆ په‌روه‌رده و زانست و ره‌وشه‌نبيرییێ ( UNESCO)کر .
رێڤه‌به‌را گشتی یا یونسکۆ، خۆشحاڵییا خۆ دەربڕی كو جارا ئێكێ یه سەره‌دانا هەرێما کوردستانێ دكه‌ت، کورتییه‌ك ده‌ربارەیی کار و چالاکی یێن وێ ڕێکخراوێ ل عێراقێ و هەرێما کوردستانێ دیار كرن” ب تایبەتی کار و پڕۆژێن وان د بیاڤێ پاراستن و نووژەنکرنا شوونوارێن كه‌ڤنار و مێژوویی یێن کوردستانێ” كو كه‌لها هه‌ولێرێ ئێك ژ وانه.
سەرۆکێ حکومەتێ ستایشا کار و چالاکی یێن یۆنسکۆ کرن” ژ پێخه‌مه‌ت پاراستنا شوونوار و کەلەپۆرێ جیهانی و داخواز کر هەرێما کوردستانێ وەک ئەندامه‌كێ پشكدار د ڕێکخراوا یونسکۆ دا بهێته وه‌رگرتن و رێڤەبەرا گشتی یا وێ ڕێکخراوێ، سۆزا هاریکارییێ و پشته‌ڤانییێ دا هەرێما کوردستانێ ب هەماهەنگییا حکومەتا فیدرال.
