<h3 style="text-align: justify;"><span style="font-size: 18pt;">هه‌رێما كوردستانێ به‌ربژاره‌كا ب هێزه بۆ مێڤانكرنا قاره‌مانییا كۆنیفا یا هه‌رێمێن جیهانێ، ئه‌وا بریاره هه‌ڤركییێن وێ ل هاڤینا سالا 2024ێ بهێنه‌كرن.</span></h3> <h3 style="text-align: justify;"><span style="font-size: 18pt;">ئازاد ئه‌حمه‌د ئه‌ندامێ ئێكه‌تییا فوتبۆلا كوردستانێ بۆ ئاژانسا خانى دیاركر، هه‌ڤركى دناڤبه‌را هه‌ردوو هه‌رێمێن كوردستان و ترۆنگ بوو یا ڤێتنامیدا بۆ مێڤانكرنا مۆندیالا كۆنیفا یا 2024ێ هه‌یه، و دكۆمبوونا ئێكه‌تییێن جیهانێدا هه‌رێمێن كوردستان و یا ڤێتنامێ هه‌ر ئێك ژ وان حه‌فت ده‌نگ برینه و كوردستان به‌ربژاره‌كا بهێزا مێڤانكرنا قاره‌مانییێ یه.</span></h3> <h3 style="text-align: justify;"><span style="font-size: 18pt;">زێده‌تر ئازاد ئه‌حمه‌دى دیاركر، پشتى سه‌رۆكێ حكومه‌تا هه‌رێما كوردستانێ مه‌سرور بارزانى پشته‌ڤانییا خوه بۆ مێڤانكرنا قاره‌مانییێ دیاركرى، وان بزاڤێن مه‌زن كربوون و ب باشترین شێوه‌ی باده‌كا جهى و ژێرخانه‌یا وه‌رزشى به‌رهه‌ڤكربوو و دكۆمبوونا كۆنیفایێدا هاتبوو نیشاندان، و دڤێ هه‌یڤێدا لژنه‌یه‌ك ژ ئێكه‌تییا كۆنیفایێ دێ بۆ دووڤچوونا مه‌یدانى هێته كوردستانێ و سه‌ره‌دانا پارێزگه‌هێن دهۆك، هه‌ولێر و سلێمانییێ كه‌ت، و ئه‌و دگه‌شبینن رازیبوون هه‌بیت، ژبه‌ركو هه‌ر كاره‌كێ پێدڤى بۆ سه‌ركه‌ڤتنا قاره‌مانییێ هاتییه كرن.</span></h3> <h3 style="text-align: justify;"><span style="font-size: 18pt;">هه‌روه‌سا گوت: ژبه‌ركو ژمارا هه‌لبژارتییان گه‌له‌كه، دێ ل سه‌ر چار كۆمان هێنه به‌لاڤكرن، و پێنج یاریگه‌هێن باژێرێن كوردستانێ هاتینه ده‌ستنیشانكرن، لێ بریارا دووماهییێ پشتى رازیبوونێ دهێته وه‌رگرتن، دێ دیاربیت.</span></h3> <h3 style="text-align: justify;"><span style="font-size: 18pt;">دهێته‌زانین، 48 هه‌لبژارتى دێ هه‌ڤركییێ ل سه‌ر بده‌ستڤه‌برنا 15 پلێتێن پشكدارییێ كه‌ن، دگه‌ل هه‌رێما مێڤاندار دێ بنه 16 تیم.</span></h3>
