<h2 style="text-align: justify;"><span style="font-size: 18pt;">مهسرور بارزانی بههلكهفتا 11 ئادارێ: ئهم دهستان ژ مافێن خۆ بهرنادهین ودێ كێشهیێن خۆ لدویڤ بنهمایێن دهستووری چارهكهین</span></h2> <h2 style="text-align: justify;"><span style="font-size: 18pt;">ل 53ى سالیا سالڤهگهرا رێكهفتنا دیرووكى یا یازدهى ئادارێ، سهرۆكێ حكومهتا ههرێما كوردستانێ پهیامهك بهلاڤكر،</span> <span style="font-size: 18pt;">دهقێ پهیامێ:</span> <span style="font-size: 18pt;">ئهڤرۆ ههلكهفتا یازدهى ئادارێ یه، كو 53 سالان بهرى نوكه، حكومهتا عیراقێ نهچاربوو، ژئهگهرێ بهرگرى و خوراگریا خهلكێ كوردستانێ د شۆرهشا مهزنا ئهیلوولێ دا ب سهركردایهتیا بارزانیێ نهمر، وێ رێكهفتنێ ئیمزا بكهت و دانپێدانێ ب هندهك داخازیێن گهلێ كورد بكهت.</span> <span style="font-size: 18pt;">رێكهفتنا یازدهى ئادارا سالا 1970ى، دهستكهفتهكا گرنگا گهلێ كوردستانێ یه و بهلگهیهكێ دیرووكیه، لسهر سهركهفتنا داخازیێن خهلكێ كوردستانێ و ئهو پهیاما ئاشتیخوازه كو ههمى دهمان ڤیایه ب رێكا دانوستان رێكهكێ بینیت، داكو ئاریشان چارهسهر بكهت. بهلێ ب مخابنیڤه حكومهتا وى دهمى یا عیراقێ، ژ سوز و رێكهفتنا دگهل سهركردایهتیا كوردستانێ لێڤهبوو و دهست ب هێرشێن سهر كوردستانێ كر، دهرئهنجام سیاسهتا وێرانكهر یا رژێما عیراقێ، ههرێما كوردستانێ و عیراق ب گشتى بهرهنگارى شهر و وێرانكارى و كارهساتێن مهزن بوون، كو تا نوكه خهلكێ ههرێما كوردستانێ، ژئهنجامێ ئهوان تاوانان دنالن و هێشتا نههاتینه قهرهبوو كرن.</span> <span style="font-size: 18pt;">ب ڤێ ههلكهفتێ ئهم ههلویستێ خو دوپاتدكهین ژبۆ بهرهڤانیكرن و دهستنهبهردان ژ مافێن دهستوورى و چارهسهركرنا ئاریشان ب رشێوهكێ بنهرهتی و ئاشتیانه ولسهر بنهمایێن دهستوورى.</span> <span style="font-size: 18pt;">مەسرور بارزانی</span> <span style="font-size: 18pt;">سەرۆکێ حکومەتا هەرێما کوردستانێ</span> <span style="font-size: 18pt;">11ی ئادارا 2023</span></h2>
