ب کوژمێ 250 ملیار دیناران پرۆژە دێ ل شنگالێ هێنە دروستکرن

ئەندامێ جڤاتا نوونەرێن عیراقێ دیارکر، دێ ب کوژمێ 250 ملیار دیناران پرۆژەیێن خزمەتگوزاری ل شنگال هێنە دروستکرن و خەلکێ زەرەرمەند ژی دێ هێنە قەرەبووکرن.

مەحما خەلیل، ئەندامێ جڤاتا نوونەرێن عیراقێ ل سەر لیستا پارتی دیموکراتی کوردستان بۆ ئاژانسا خانی گۆت: “ژ ئەگەرێ مانا گرۆپێن چەکدار دناڤ شنگالێ دا حکومەت نەشێت پرۆژەیێن خزمەتگوزارێ ل شنگالێ بجهــ بینیت،ئاماژە کرژی د ئەڤ سالە دا کوژمێ 250 ملیار دیناران بووینە پشکا شنگالێ، ئەگەر گرۆپێن چەکدار ئاستەنگان دروستنەکەن دێ ڕەوشا شنگالێ خۆش بیت و چەندێن پرۆژەیێن خزمەتگوزارێ دێ ل شنگالێ ھێنە بجهئینان.”

مەحما خەلیل دیارکژی،”کار یێ ھاتییە کرن کو د بودجەیا سالا 2023ێ دا زێدەتر گرنگی ب شنگالێ بھێـتە دان و پێدڤیە ئەو خەلکێ کو ژ ئەگەرێ ھێرشا ھوڤانە یا تیرۆرستێن داعش، کو ل سالە 2014ێ ل شنگالێ تووشی زیانەکا مەزن ببوون پێدڤیە بھێنە قەرەبووکرن و رێکەڤتنا شنگالێ ژی بکەڤیتە د وارێ بجهئینانێدا داکو ڕەوشا شنگالی ئارام بیت و خزمەتگوزاری ل شنگالێ بھێنە ئەنجامدان”.

ئاشکەراکر ژی: “چەکێ قەرەبووکرنێ دێ ل سەر چار ھزار زیانڤێکەڤتییێن قەزایا شنگالێ ھێنە بەلاڤکرن و د نوکە دا هەمی بزاڤ دهێنە کرن کو ژیان ل شنگالێ ئاسایی ببیتەڤە هەروەسا ڕیژەیەکا مەزن یا دەلیڤەیێن کاری بۆ خەلکێ شنگالێ بهێنە دابینکرن.”

مەحما خەلیل ئەندادمێ جڤاتا نوونەرێن عیراقێ گۆت:”ئەم هیڤیدارین گرۆپێن چەکدار شنگالێ چوول بکەن داکو خەلک بشێن دەست ب ژیانا خۆ یا ئاسایی بکەن و ژ ئاوارەییێ ڤەگەڕنە سەر جهــ و مالێن خۆ.”