رێکخراوا خوارن و چاندنێ یا ب سەر نەتەوێن ئێکگرتی ڤە- فاو رادگەھینیت، کو ل ھەیڤا ١٢ یا سالا بۆری بھایێ خوارنێ بۆ حەفت ھەیڤان ل دووڤ ئێک بلند بوویە، و ب گشتی ژی ل سالا ٢٠٢٠ێ ب رێژا ٣,١% بلند بوویە، ل دووڤ رێکخراوا فاو ژبلی بھایێ شەکرێ ، بھایێ ھەموو کەلوپەل و خوارنێن سەرەکی بلند بووینە.
بھایێ کەل و پەلێن خوارنێ ھەیڤانە ژ لایێ رێکخراوا فاو ڤە دھێتە بەلاڤکرن و د ھەیڤا ١٢ دا بلند بوویە بۆ ١٠٧,٥ ئەڤە د دەمەکیدایە کو ھەیڤا بەری وێ بھاێ کەلوپەلێن خوارنێ ١٠٥,٢ بوو.
بھایێ کەلوپەلێن خوارنێ یا رێکخراوا فاو پێکھاتییە ژ تێکرایا بھایێ، دان، روون، گۆشت، شەکر، ئەو ژی ل دووڤ دوماھیک راپۆرتا رێکخراوێ بلند بوویە بۆ بلند ترین ئاستێ خۆ ٧ ھەیڤێن بۆری دا.
ئامارێن رێکخراوا فاو یا سەرنجراکێشە و وان ژی ب ئاشکرایی تێکرایێ بھایێ کەلوپەلێن خوارنێ ل سالا ٢٠٢٠ێ دا ٩٧,٩ بوو کو بەراواردی دگەل سالا ٢٠١٩ێ ب رێژا ٣,١% زێدەبوویە.
د سەر ڤێ چەندێ را ژی فاو دبێژیت، بھایێ کەلوپەلێن خوارنێ ل سالا ٢٠٢٠ێ دا ھێشتا ب بەراورد ل گهل سالا ٢٠١١ ب رێژا ٢٥% کێمترە کو د وی دەمی دا بھایێن وان گەھشتینە گوپیتکێ.
