یانا دهۆكێ ل دژی بڕیارەکا ئێکەتییا فۆتبۆلا عیراقێ هاتە دەنگ

یانا دهۆکێ ل دۆر بریارەکا لژنه‌یا رێكوپێكیێ (أنضباط) یا ئێکەتییا فۆتبۆلا عیراقێ ڕاگەهاندنەک بەلاڤکریە و گۆتییە، بريارا لژنه‌یا رێكوپێكیێ نه‌یا دادپه‌روه‌رانه‌یه‌.

دەقێ ڕاگەهاندنا یانا دهۆکێ:

دوهی د بریارێن خۆدا لژنه‌یا رێكوپێكییێ (أنضباط) ل ئێكه‌تییا فۆتبۆلا عیراقێ سزا ژ هۆكارێ بكارئینانا سموك و یاریێن ئاگری و لێزه‌ران و هاڤیتنا دولكێن ئاڤێ بۆ ناڤ یاریگه‌هێ ل سه‌ر یانه‌یا دهۆك ده‌ركرییه‌، ئه‌م وه‌كو كارگێرییا یانا دهۆكێ دبینین ئه‌ڤ بریاره‌ زولمه‌ ده‌رحه‌قێ پشته‌ڤانێن یانا دهۆكێ ژبه‌ركو به‌رپرسێ ئێمناهییێ یێن یاریگه‌هێن عیراقێ ل یارییا زه‌ورا یێ ئاماده‌بوو و باشترین دیده‌ڤان بوو كو تشتێ وه‌سا نه‌ روودایه‌ كو كارتێكرنێ ل یارییێ بكه‌ت و هه‌موو دزانن كو ب تنێ دوو لێزه‌ر هه‌بووینه‌ ئه‌وژی ژلایێ پۆلیسان ڤه‌ هاتینه‌ گرتن دیسان چ بتلێن وه‌سا یێن ئاڤێ نەهاتینه‌ د ناڤ یاریگه‌هێدا، تشتێ دی یێ سه‌یر ئه‌وه‌ پێشتر بمه‌ نه‌هاتییه‌ گۆتن كو سموك قه‌ده‌غه‌نه‌ و له‌ورا هاتینه‌ بكارئینان و ئه‌م ڤێ چه‌ندێ ئاسایی ل هه‌موو یاریگه‌هێن عیراقێ دبینین و پشته‌ڤانێن مه‌ هه‌موو د دوورن ژ ره‌وشتێن كرێت و ب ره‌وشتێ به‌رز و بلند دهێنه‌ نیاسین، ژبه‌ر ڤێ چه‌ندێ مه‌ وه‌كو كارگێرییا یانه‌یا دهۆك ب رێكا پارێزه‌رێ خۆ ئه‌ڤ بریاره‌ ئیستیئناف كریه‌ و دێ ل هیڤییا بریارا راستڤه‌كرنا وێ بین

راگه‌هاندنا یانا دهۆكێ