مه‌لا جیهاد دوسكی، سەرۆكێ ئێكەتییا زاناییێن ئیسلامێ لقێ دهۆك و ئەندامێ لژنا ئەوقافێ ل پەرلەمانێ كوردستانێ بۆ ئاژانسا خانی ڕاگەهاند، ئێكەتییا زاناییێن ئایینێ ئیسلامێ ب هەڤكاری دگەل ئەوقافا دهۆكێ پلانێن باش داناینە بۆ هەیڤا رەمەزانێ كو پێكدهێت ژ به‌رهه‌ڤكرنا مزگەفتان، دابینكرنا پێشنڤێژێن دەنگخۆش تایبەت بۆ خواندنا قورئانا پیروز ل ده‌مێ نڤێژێن تەراویحا، هه‌روه‌سا دابینكرنا ئاڤێ و شریناهییا ل مزگەفتان و دێ خوارنا فتارێ بۆ هندەك ژ مزگەفتێن پارێزگەها دهۆكێ دروستكه‌ین ل تاخێن هه‌ژار، دیسان دێ مه بۆ دەهـ رۆژێن دووماهیكێ یێن هەیڤا رەمەزانێ پلانەكا تایبەت هەبیت.
سەرۆكێ ئێكەتییا زاناییێن ئیسلامێ دیار ژی كر، د هەیڤا رەمەزانێدا دێ پترییا گۆتارێن مە بۆ وەلاتییان لدۆر دوو بابەتێن تایبەت بن وه‌كی پاراستنا بازاری و دویرئێخستنا ژ گرانیا كەلۆپەلێن خوارنێ بیت، هەروەسا پاقژكرنا ژینگەهێ ژبەركو رەمەزانا ئەڤسالە یا د هەیڤێن بهارێ دا.
