د. ھێمن ھەورامی: ئه‌م ناهێلین جاره‌كا دی ژییێ په‌رله‌مانی بهێته‌ درێژ كرن

ئاژانسا خانی:

جێگرێ سەرۆکێ پەرلەمانێ کوردستانێ بۆ ئاژانسا خانی دیار كر، ئه‌م ناھێلین جاره‌كا دی ژییێ پەرلەمان بهێته‌ درێژ كرن، هه‌كه‌ پێکھاتە ژی چ بڕیارێ ده‌ربارەیی کورسی یێن کۆتایان بدەن دێ ڕێزێ لێ گرین و کەس نه‌شێت ئیرادا خۆ ب سەر یا وان دا ب سەپینیت.

د. ھێمن ھەورامی، جێگرێ سەرۆکا پەرلەمانێ کوردستانێ گۆت ژی: ” ده‌م یێ ڤه‌كری نینه‌ ل هه‌مبه‌ری لایه‌نێن سییاسی” ده‌ربارەیی بابه‌تێ ھەڵبژارتنان و ژییێ پەرلەمانی هه‌تا ٣١/١٢ یا ئه‌ڤ ساله‌ هاتییه‌ درێژ كرن و پێدڤییە ٦٠ ڕۆژ بەری وی ده‌می هه‌لبژارتن بهێنه‌ كرن و دێ ھەموو بزاڤان كه‌ین بۆ هندێ جاره‌كا دیتر ژییێ پەرلەمانی نه‌هیته‌ درێژ کرن و ئه‌م ناھێلین ژییێ پەرلەمانی بهێته‌ درێژ كرن.

ناڤهاتی گۆت ژی: “ھەر ده‌مێ لایەنێن سییاسی ل سەر ھەموارا یاسایێ ھەڵبژارتنان گەهشتنە ئەنجامێن دوووماهییێ و ب ئیمزایا پەرلەمانتاران پێشکێشی سەرۆکاتییا پەرلەمانی هاته‌ کرن، دێ كه‌ڤیته‌ د كارناما کۆمبوونا په‌رله‌مانی دا.”

د. ھێمن ھەورامی دیار كر ژی: ” پێكهاته‌ ب خۆ دێ بڕیارێ دەن و پشكا هه‌ره‌ زۆرا وان ل گەل هندێنه‌ ئێک بازنە بیت بۆ ھەڵبژارتنێن کورسی یێن پێكهاتان و هژمارا کورسی یێن پێكهاتان ناهێنه‌ كێم كرن و پرانییا لایەنه‌نان دناڤا پێکھاتان ب چاڤدێرییا نەتەوێن ئێکگرتی چ بڕیاره‌كێ بدەن، ئه‌م دێ ڕێزێ لێ گرین و کەس نه‌شێت ئیرادا خۆ ب سەر یا پێکھاتان دا ب سەپینیت.”