لژنەكا پەرلەمانێ عێراقێ، راپۆرته‌كێ ده‌ربارەیى به‌رهنگاربوونا مادێن بێهۆشكه‌ر دده‌ته حکومەتا عێراقێ و ئێک ژ وان داخوازییان ئەوە؛ پشکنینا مادێن بێهۆشكەر بۆ قوتابی یێن ناڤنجى و یێن زانکۆ و پەیمانگەهان و فەرمانبەرێن دەوڵەتێ و کارمەندێن هێزێن ئەمنی بهبنه كرن.
نەجوا کاکەیی، ئەنداما پەرلەمانێ عێراقێ گۆت، لژنەكا ده‌مكی ل پەرلەمانی هاتییه پێکئینان بۆ به‌رهنگاربوونا مادێن بێهۆشكەر، هه‌روه‌سا وان راپۆرته‌ك ئامادەکرییە کو چەند راسپاردە بۆ حکومەتێ و وەزارەتا ساخله‌مییێ تێدا هه‌نە.
ئه‌و ژی گۆت ” ئێک ژ وان راسپاردان ئەوە؛ پشکنینا مادێن بێهۆشكەر بۆ قوتابی یێن قووناغا ناڤنجى و زانکۆ و پەیمانگەهان؛ هەروسا فەرمانبەرێن حکومەتێ و کارمەندێن هێزێن ئەمنی بهیته كرن و ئەگەر کەسه‌ک مادێن بێهۆشكەر ب كار بینیت، دڤێت پشکنین بۆ ئەندامێن دیتر یێن خێزانا وان بهێته كرن” داكو بزانن ب کارهێنەرێن مادێن بێهۆشكه‌رن یان نه”.
لدووڤ ئامارێن رێڤه‌به‌رییا به‌رهنگاربوونا مادێن بێهۆشكەر یێن عێراقی، ل سالا 2022 ێ دا پتر ژ 14 هزار کەسان ب تۆمەتا ب کار ئینان و قاچاغیکرنێ ب مادێن بێهۆشكەر، هاتینه گرتن، کو 500 ژ وان ژن و سنێله بووینه.
