عیراق و ئیرانێ پرۆتۆكۆله‌كا ئێمناهییێ ئیمزاكر

نڤیسینگه‌ها سه‌رۆكوه‌زیرێن عیراقێ دبێژیت: د سه‌ره‌دانه‌كا سكرتێرێ جڤاتا بلندا ئاسایشا نیشتیمانییا ئیرانێدا بۆ عیراقێ، پرۆتۆكۆله‌كا ئێمناهییێ بۆ بهێزكرنا هه‌ماهه‌نگییا ئێمناهییێ و پاراستنا سنۆرێ هه‌ڤپشكێ دناڤبه‌را هه‌ردوو وه‌لاتانداهاته‌ ئیمزاكرن، میدیایا ئیرانێ وه‌ك ئاماژه‌یه‌ك بۆ پارتێن رۆژهه‌لاتا كوردستانێ دبێژیت: ئێدى ئه‌و لایه‌نێن دناڤا هه‌رێما كوردستانێدا كارێ تێكدانێ دكه‌ن، دێ رووبروو كارێن خوه‌ یێن نه‌به‌رپرسیارانه‌ بن.

راگه‌هاندنا نڤیسینگه‌ها محه‌مه‌د شیاع سوودانى سه‌رۆكوه‌زیرێن عیراقێ دبێژیت: ب سه‌رپه‌رشتییا سه‌رۆكوه‌زیران، پرۆتۆكۆله‌كا ئێمناهیییا هه‌ڤپشك دناڤبه‌را هه‌ردوو وه‌لاتاندا هاته‌ ئیمزاكرن، كو قاسم ئه‌عره‌جى شیره‌تكارێ ئاسایشا نیشتیمانییا عیراقێ ب نوونه‌رایه‌تییا عیراقێ و شه‌مخانییش وه‌كو نوونه‌رێ ئیرانێ ئیمزاكر.

نڤیسینگه‌ها سوودانى دبێژیت: پرۆتۆكۆل پاراستنا سنۆرێ هه‌ڤپشكێ دناڤبه‌را هه‌ردوو وه‌لاتاندا و ب هێزكرنا كاركرنا پێكڤه‌ د چه‌ندین بیاڤاندا ب خۆڤه‌ د‌گریت.