د نامەیا خۆ دا چاوشئۆغلو پيرۆزباهیا جه‌ژنا نه‌ورۆزى ل سه‌رۆك نێچيرڤان بارزانى كریە و نه‌ورۆز ب دەرفەتەک بۆ بهێزکرنا برايه‌تیێ و هەروەسا ب نیشانا نوو بوونا ژیانێ و هەڤدەنگی و شادیێ ل قەلەمدایە کو ب درێژاهیا دیرۆکێ ڕەنگڤەدانا مرۆڤی بوویە بۆ تێگەهشتن ژ ژیانێ دگەل سرۆشتیدا.
وه‌زيرێ دەرڤە یێ تورکیا ئاماژەکریە، کو ژ ئەگەرێ ئەردهەژا دەستپێکا شووباتا بووری، وەلاتێ وی دێ ب خەمباریڤە پێشوازیێ ل نەورۆزێ کەت، هەروەسا سوپاسیا سەرۆک نێچیرڤان بارزانی کریە بۆ سەرەدانا وی بۆ تورکیا و حالپرسین و سەرەدانا جهێن زیانڤێکەڤتییێن ئەردهەژێ و دیارکرنا هەڤسوزیا خۆ دگەل قوربانیان دا.
ل دوماهیێ وەزیرێ دەرڤە یێ تورکیا هیڤیا ئاشتی و خۆشگوزەرانیێ بۆ تورکیا و جیهانێ و ساخلەمییەکا باش و شادیێ و سلامەتییێ بۆ سەرک نێچیرڤان بارزانی و خەلکێ هەرێما کوردستانێ دیارکریە.
