سەرۆک کومارێ عیراقێ داخوازنامەیەک ئاراستەی میرێ کوێتێ کر

ئەحمەد سەحاف، پەیڤدارێ وەزارەتا دەرڤە یا عیراقێ ڕاگەهاند، لەتیف ڕەشید، سەرۆککۆمارێ عیراقێ، داخواز نامەیەک ئاراستەی نەواف ئەحمەد جابڕ سەباح، میرێ کوێتێ کر دا کو سەرەدانا عیراقێ بکەت.

ئەحمەد سەحاف بۆ ئاژانسا نووچەیێن عیراقێ ڕاگەهاندیە، “مەنهەل سافی، باڵیۆزێ عیراقێ ل کوێتێ، د دیتنەکێدا دگەل کورێ میرێ کوێتێ مەشعەل ئەحمەد جابر سەباح، نامەیەک ژ دەستنڤیسێ لەتیف رەشید، سەرۆککۆمارێ عیراقێ رادەستی وی کریە. ئاماژە کریە ژی، کو ناڤەرۆکا ئەوێ نامەیێ پێکهاتیە ژ داخوازکرنا نەواف ئەحمەد جابر سەباح، میرێ کوێت دا کو سەرەدانا عیراقێ بکەت”.

ئەحمەد سەحاف دیارکریە، پشکەکا ئەوێ نامەیێ یا گرێدایە ب پەیوەندییێن دیرۆکی یێن دناڤبەرا هەردوو وەلاتان دا.

پەیڤدارێ وەزارەتا دەرڤە یا عیراقێ ڕاگەهاندیە ژی، مەشعەل ئەحمەد جابر سەباح، کورێ سەرۆکێ کوێتێ،  سوپاسیا سەرۆککۆمارێ عیراقێ کریە بۆ نامەیا وی و دوپاتی ل پەیوەندییێن دۆستانە یێن دناڤبەرا هەردوو وەڵاتان دا کریە.