شیره‌تکارێ دارایی یێ سوودانی: ئابوورێ عێراقێ یێ ب هێزە و دێ باشتر ژی لێ هێت

ئەڤڕۆ سێشەمبی 28/3/2023 ێ، مەزهەر محەمەد سالح، شیره‌تکارێ  دارایی یێ سەرۆکوەزیرێن عێراقێ دیار كر:  “کەرتێ دارایی یێ عێراقێ د ره‌وشه‌كا باشدایە، مه‌ چه‌ند ئارمانج  هه‌نه‌چەند،  ژ وان ژی کێمکرنا بهایێ دۆلاری بەرامبەر دیناری ژ هزار و 450 دیناران بۆ هەر دۆلاره‌كێ بۆ هزار و 300 دیناران”.

گۆتییه‌ ژی “ئازادی د ڤه‌گۆهاستنا بازرگانییێ و سەرمایێ دا هەیە، وەک کڕینا موڵکه‌كی ل دەرڤه‌یی وه‌ڵاتی، ب مەرجه‌كی ب ئامرازێن دیجیتالی یێن بانکی دروست و ب رێیا پابەندبوونا نێڤدەوله‌تی بیت، هەروەسا ره‌وشا ئابوورییا عێراقێ هێدهی هێدی دێ بەرەف باشتر چیت”.

شیره‌تکارێ دارایی یێ سەرۆکوەزیرێن عێراقێ گۆت ژی، “بانکان دەست ب پابەندبوون و رێنمایێن بانکا ناڤەندییا عێراقی كرییه‌،  نوكه‌ بانکا ناڤەندییا عێراقێ رۆژانە 200 ملیۆن دۆلاران د ئێخیته‌ دناڤا بازاری دا”.