لایه‌نێن سیاسى یێن عیراقێ ب چاره‌سه‌ركرنا كه‌یسا په‌ترۆل و غازێ دناڤبه‌را هه‌ولێر و به‌غدا دا دگه‌شبینن

لایه‌نێن سیایى یێن شیعه‌ دناڤا جڤاتا نوونه‌رێن عیراقێدا دووپاتكر، ئه‌و دگه‌ل هه‌ولێرێ پێكڤه‌ دشێن ئاریشه‌یێن خوه‌ سه‌باره‌ت هنارده‌كرنا په‌ترۆلێ ب رێكا توركیا چاره‌سه‌ربكه‌ن.

محه‌مه‌د زیادى ئه‌ندامێ جڤاتا نوونه‌رێن عیراقێ ژ هه‌ڤپه‌یمانییا قانوونێ راگه‌هاند، ئه‌و چاڤه‌رێى حكومه‌تێ نه‌ داكو وى بابه‌تى ره‌وانه‌ى په‌رله‌مانى بكه‌ن، و ل وێرێ ئه‌و و هه‌ولێر بریارێ بده‌ن، ژبه‌ركو ئه‌و هه‌ردوو خۆدانێن مالێنه‌ و دێ پێكڤه‌ ئاریشه‌یێن خوه‌ چاره‌سه‌ركه‌ن نه‌كو چ دادگه‌هێن دى.

ژلایێ كۆمپانییا سۆمۆ و حكومه‌تا هه‌رێما كوردستانێه‌ ب رێكا بووریا په‌ترۆلا دناڤبه‌را عیراق و توركیا دا، دشیاندایه‌ رۆژانه‌ نێزیكى 900 هزار به‌رمیلێن په‌ترۆلێ بهێنه‌ هنارده‌كرن، كو دبیته‌ نێزیكى 1%ێ یا سه‌رجه‌مێ خواستا رۆژانه‌ یا جیهانێ، لێ نوكه‌ ب تنێ 500 هزار به‌رمیل ژ كێلگه‌هێن باكوورى دهێنه‌ هنارده‌كرن.