مەسعود حەیدەر: د بودجەیێ وەبەرهێنانێ دا 2.7 ترلیۆن دینار بۆ هەرێما کوردستانێ هاتینه‌ تەرخانکرن

بریکارێ وەزیرێ دارایی یێ عێراقێ دیار كر، هەولێرێ و بەغدا ل سەر دۆسیەیا هنارتنا نەفتا هەرێما کوردستانێ رێککەفتنا ده‌‌ستپێكی كرییه‌ و دبێژیت ژی:، د بودجەیێ 2023 ێ یێ عێراقێ دا 100 ملیار دینار بۆ بجهئینانا مادێ 140 ێ یێ ده‌ستووری و 2.7 ملیار ترلیۆن دینار ژی بۆ وەبەرهێنانێ ل هەرێما کوردستانێ هاتینه‌ تەرخانکرن.

مه‌سعود حه‌یده‌ر” هێشتا دبێژیت: “بڕیارا ژوورا بازرگانییا فرەنسا ل سەر دۆسیەیا هنارتنا نەفتا هەرێما کوردستانێ بڕیاره‌كا ژ نشكه‌كێڤه‌ نه‌بوو” و چەند هه‌یڤان به‌ری نوكه‌ زانیاری هەبوون کو ئه‌ڤ بریارە دێ دەردەچیت و ئه‌و بڕیارە ژی ل سەر بنەمایێ وان زانیارییان بوویە، کو حکومەتا هەرێما کوردستانێ و حکومەتا عێراقێ رێککەفتن ل سه‌ر کری و هەموو نەفتا هنارتییا هەرێما کوردستانێ کو 400 هزار بەرمیلن، خستینه‌ بودجەیێ عێراقێ و سیمایێ یاسایی وەرگرتییە”.