<h3></h3> <h3></h3> <h3><span style="font-size: 18pt;"> ئاژانسا خانی:</span></h3> <h3></h3> <h3><span style="font-size: 18pt;">نەوزاد شێخ کامل، رێڤەبەرێ گشتی یێ بازرگانی ل ههرێما كوردستانێ بۆ ئاژانسا خانی دیار كر: ئەڤرۆ شهمبییێ" ئێكی نیسانا 2023 ێ" ل پارێزگههێن باشوورێ عێراقێ دهست ب پرۆسا وەرگرتنا گەنمێ جۆتیاران هاتییه كرن و ھەر جۆتیارهكێ خودان بهرههمێ گهنمێ بیت دشێت ل وێ دهڤهرا ئهو لێ" بهرههمێ خۆ رادهستی سایلۆیێ بکهت و ههموو گهنمێ جۆتیاران ل عێراق و ههرێما كوردستانێ دێ هێته وهرگرتن، بەلێ ل ههرێما كوردستانێ ل دووماهییا ههیڤا گولانێ دێ دهست ب وهرگرتنا گهنمێ جۆتیاران هێته كرن" كو ل سالا بوری ژی ل 28 ی ههیڤا گولانێ دهست ب وهرگرتنا گهنمێ جۆتیاران هاتبوو كرن" ب ھەمان سیستەمێ سالا بوری گهنم دێ هێته وهرگرتن.</span></h3> <h3><span style="font-size: 18pt;">ناڤهاتی گۆت ژی: ئهڤ ساله رێژهكا زۆر یا بارانان بارییه" دهێته پێشبینی كرن بەرھەمێ جۆتیاران زێده ببیت و ئهڤ ساله پتر زهڤی یێن گهنمی هاتینه چاندن، ههروهسا بهایێ وەرگرتنا ههر تهنهكا گەنمی ژی دێ ههر وهكو سالا بوری ب ٨٥٠ ھزار دیناران بیت و پلە بەندی ژی نەمایە بۆ گەنمی" ھەموو جۆرێن گەنمی دێ هێنه وەرگرتن و ل سالا بوری 321 هزار تهنێن گهنمی هاتبوونه وهرگرتن و ئهڤ ساله دێ ئهو رێژه دێ پتر بیت و ئهڤ ساله سایلۆیێن مه د ئامادهنه و ههر چهند گهنم ههبیت دێ وهرگرین.</span></h3> <h3><span style="font-size: 18pt;">رێڤەبەرێ گشتی یێ بازرگانی ل ههرێما كوردستانێ ئاشكرا كر ژی: ل سالا بوری پشتی رادەستکرنا گەنمێ جۆتیارێن ھەرێما کوردستانێ پرۆسا وەرگرتنا پارەیێ گەنمی دەست پێکربوو و ھەموو جۆتیار شییابوون پارێ خۆ وەربگرن، ئەڤ ساله ژی پشتی جۆتیار گهنمی رادهست دكهن" دێ پارێ خۆ وهرگرن و ئێدی پارێ وان گیرو نابیت.</span></h3>
