خالد جەمال، ئەندامێ كۆمەلا ئۆتیزمێ تایبەت بۆ ئاژانسا خانی ڕاگەهاند، کۆمەلا ئۆتیزمێ كوردستان لقێ دهۆك، هەر ژ دەستپێكا دامەزراندنێ هەتا نوكە بەردەوامن د بەلاڤکرنا هوشیاریێ لدۆر بابەتێ ئۆتیزمێ.
خالد جەمال گۆت، ئەڤرۆ وەك رۆژا جیهانییا نەخۆشییا ئۆتیزمێ داخوازێ ژ حکومەتا هەرێما کوردستانێ دکەين یاسایا ژمارە 22 یا ماف خودان پێدڤیێن تایبەت بهێتە جێبەجێکرن، هەروەسا زارۆکێ هەلگرێ نەخۆشییا ئۆتیزمێ پێدڤی ب سەنتەرێن راهێنانێ و قوتابخانەیێن پەروەردا تایبەت و پیشەی هەیە و هیڤی دكەین بۆ بهێنەدابینكرن.
ژلایێ خۆڤه، ئه‌نتونیۆ گوتێریش، ئه‌میندارێ گشتییێ نه‌ته‌وەیێن ئێكگرتی په‌یامه‌ك ب هه‌لكه‌فتا رۆژا جیهانییا ئۆتیزمێ به‌لاڤكرییه و تێدا دیاركرییە، هەتا نوكه چه‌ندین ئاسته‌نگێن كومه‌لایه‌تی و په‌روه‌رده‌یی ل به‌رامبه‌ر ئه‌ڤێ ته‌خێ هه‌نه، و زێده‌تر دبێژیت”دڤێت رۆژانه ئه‌م هه‌می دان ب شیانێن تووشبوویێن ئۆتیزمێ بكه‌ین دناڤ كومه‌لگه‌هێن خۆدا و دڤێت ئه‌م هه‌می پێكڤه كار بكه‌ین ژبۆ په‌یداكرنا جڤاكه‌كێ ساخله‌م كو كه‌س تێدا نه‌هێته فراموشكرن”.
