ده‌سته‌یا گه‌شتوگوزارێ ده‌رفه‌تا كارى بۆ رێبه‌رێ گه‌شتیارى ل هه‌رێما كوردستانێ راگه‌هاند

ده‌سته‌یا گه‌شتوگوزارا هه‌رێما كوردستانێ ده‌رفه‌تێن كارى بۆ ده‌رچوویێن پشكێن گه‌شتوگوزارێ ل ئاماده‌یى و په‌یمانگه‌هـ و كولیژێن گه‌شتیارى و كه‌سانێن خۆدان ئه‌زموون و ئه‌وێن حه‌زدكه‌ن رێبه‌رییا گه‌شتییا ل هه‌رێما كوردستانێ بكه‌ن، راگه‌هاندن.

دراگه‌هاندنێدا هاتییه‌، ب مه‌ره‌ما ره‌خساندنا ده‌رفه‌تێن كارى بۆ ده‌رچوویێن پشكێن گه‌شتوگوزارێ ل ئاماده‌یى و په‌یمانگه‌هـ و كۆلیژێن گه‌شتیارى و خۆدان ئه‌زموون و خوازیارێن بوارێ رێبه‌رییا گه‌شتیارى ل هه‌رێما كوردستانێ، ده‌سته‌یا گه‌شتوگوزارا هه‌رێمێ ب پشتبه‌ستن ب رێنڤیسا رێبه‌رێ گه‌شتیارییا ژماره‌ ( سێ یا سالا 2022 )ێ، دێ ده‌ست ب ڤه‌كرنا خۆلێن تایبه‌ت بۆ پێگه‌هاندنا رێبه‌رێ گه‌شتییارى ب شێوه‌یێ ئه‌كادیمى كه‌ت، پاشان رێبه‌رێن گه‌شتیارى دێ ب رێكا پێناسه‌یا تایبه‌ت ب گه‌شتوگوزارێڤه هێنه‌ ناساندن‌، و ل بنگه‌هـ و كۆمپانییێن گه‌شتیارى كه‌ڤنه‌ كارى.

خوازیار دشێن ب رێكا  ئه‌ڤى لینكى و ل رێككه‌ڤتى 3-4-2023ێ هه‌تا 20-4-2023ێ ناڤێن خوه‌ تۆماربكه‌ن.https://docs.google.com/forms/d/1iGa3fTWi525ccdUNYF-jV9KDQbtrj0ru4w6dRp_4MHc/viewform?edit_requested=true&fbclid=IwAR2KxXYYHL23P511j2GypsoFFRF9Na2Qw59LyzhZxVnTsxih_A3MzahwTGM