ئەندازیار ڤەگێر ئەحمەد، رێڤەبەرێ ئاڤا دهۆکێ بۆ ئاژانسا خانی دیا ركر: د نوكه دا رێڤەبەرییا ئاڤا دهۆکێ مژوولی بجهئینانا 13 پرۆژێن ئاڤێیە ب گوژمێ پێنج ملیار و 740 ملیون دیناران” ئەو هه‌موو پرۆژە د قووناغێن جۆدا یێن بجهئنانێ دانە، ژ وان پرۆژان ژی دابینکرنا کەلوپەل و کەره‌ستێن تافیلکرنا ئاڤێ ل پرۆژێن سەرەکی یێن خراب دێم و سحێلا و بیرا، هەروەسا پرۆژێ دابینکرنا کەلوپەلان بۆ سەخبێرکرنا پێکهاتێن پرۆژێ ئاڤا دهۆکێ و پرۆژێ ئاڤاکرنا کوگەهەکا گشتی یا ئامیر و کەلوپەلێن رێڤەربەرییا ئاڤا دهۆکێ و پرۆژێ دابینکرنا کەره‌ستێن سەخبێریا بیرا و پرۆژێ دابینکرن و دانانا پرۆژێن ئاڤێ ل ناحییا مانگێشكێ و پرۆژێ دابینکرنا بورییا و پاشبەندا و قفلا بۆ سەخبێرییا تۆرێن ئاڤێ”.
ناڤهاتی گۆت ژی: نوكه کار د گوهۆرینا سوفت ستارتەرێن پرۆژێ ئاڤا دهۆکێ ئێزتگەها سێمێلێ یا کەڤن دا دهێتە ئەنجامدان و پرۆژێ دابینکرن و دانانا تورێن ئاڤێ ل سەنتەرێ باژێرێ دهۆکێ و پرۆژێ کولانا بیرا ل سەنتەرێ باژێرێ دهۆکێ و چەند گوندان ل ناحی یێن زاویتە و مانگێشكێ و پرۆژێ ئاڤاکرنا عمبارێن کونکریتی و دابینکرن و دانانا بۆری یێن پۆلی ئەسیلین ل گوندێن بێسفکێ و باجلۆر و زێوە شەفیق و گوندک نەبی و ئەڤریکێ و پرۆژێ دابینکرن و دانانا بۆرییان بۆ هێلێن سەرەکی و تۆرێن ئاڤێ ل گوندێن بێسرێ و باگێرا و پرۆژێ گرێدانا هێلا سەرەکی 700-900 ملم و دانانا قفلا ل سەر هێلا دگەل ئاڤاکرنا مەنهۆلا سێمێل و مالتا و پرۆژێ دابینکرنا کەره‌ستە و کەلوپەلێن پێدڤی بۆ دووبارە نووکرن و کارخستنا وەرگرێن ئاڤێ 2-1 ل ویستگەها پالدانێ ل پرۆژێ ئاڤا کەڤن یا دهۆکێ ل چەم بەرەکاتی ژی د قووناغا بجهئینانێ دانە.
