سەرۆکێ حکومەتێ سەرەخۆشی ل وەزیرێ ڤەگۆهاستن و گەهاندنێ کر

ئێڤاریا ئەڤرۆ 3 نیسانا 2023، مەسرور بارزانی، سەرۆکێ حکومەتا هەرێما کوردستانێ، د پەیوەندیەکا تەلەفۆنیدا، سەرەخۆشی ل ئانو جەوهەر، وەزیرێ ڤەگۆهاستن و گەهاندنێ کر بۆ وەغەرا (حەننا یوسف دیشا) یێ خاڵێ وی.

مەسرور بارزانی، پرسە و هەڤخەمییا خۆ گەهاندێ و هیڤی خواست، خودایێ مەزن گیانێ خودێ ژێ ڕازی ب بهەشتێ شاد بکەت و سەبرو هەدارێ بدەتە مالباتا وی.

د بەرامبەردا، وەزیرێ ڤەگۆهاستن و گەهاندنێ، سوپاسی و پێزانینێن خۆ و مالباتا خۆ بۆ پەیوەندیی و سەرخۆشیکرنا سەرۆکێ حکومەتێ دیارکرن.