ئوسترالیا ب كارئینانا تیكتۆكی دناڤا دەزگه‌هێن حكومەتێ دا قەدەغە كر

ئه‌ڤرۆ سێشه‌مبی” ئوسترالیا راگەهاند كو ئەپلیكەیشنا تیكتۆك لسەر ئامیرێن ئەلكترۆنی یێن حكومی قەدەغە كر.

مارك دریفوس، داواكارێ گشتی یێ ئوسترالیا دیار كر: ئه‌و بڕیارە ل ژێر رۆناهییا ئامۆژگاری ێن دەزگه‌هێن هەوالگیرییێ یێن وه‌لاتێ وی هاتینه‌ دان و بجهئینانا وان ب زووترین ده‌م كره‌ كریار و دەست پێكر.

ئوسترالیا داوی ئەنداما هه‌ڤپەیمانییا هەوالگیرییا “پێنج چاڤ”ە كو ئەمریكا، بریتانیا، كەنەدا و نیوزلەندا بخۆڤه‌ دگریت، كو قەدەغەكرنا تیكتۆكی لایێ حكومەتێ ڤه‌ سەپاندییە و پێشتر ژی فرەنسا، هۆلەندا و كۆمیسیۆنا ئورۆپا بڕیارا هه‌ڤشێوەیێ وان دایە.