پارچهیێن فرۆكهیا ئهندنوسی یا دوهی ژ فرۆكهخانهیا جاكارتا فڕی هاتن دیتن كو 62 كهس تێدابوون و جلوبهرگێن وان تێدا هاتینه دیتن.
فرۆكهیهكا مهدهنى یا ئهندنوسى ژ جۆرێ بۆینگ 737 یا هێلا ئهسمانى سهریۆیجایا ئێرلاینز یا ئهندنۆسى دوهى ل رۆژا شهمبىێ ژ فرۆكخانهیا جاكارتا یا پایتهختێ وى وهلاتى فرى و د دووڤدا پهیوهندى ب كومپانییێ نهما، ئهڤرۆ هندهك پارچهیێن وێ د دهریا جاڤا دا هاتینه دیتن، ل گۆرهى پشكا ههوارهاتنا ئهندنۆسیا، ب كێمی 62 كهس د فرۆكهیێ دا بوون، پشتى دهمهكێ كێم ژ بلندبوونێ كهفته د ناڤا دهریا یا جاڤا دا و هندهك پارچهیێن وێ و جلوبهرگێن گهشتیارێن د ناڤا فرۆكێ دا هاتینه دیتن.
كهشتییهكا هێزا دهریاڤانى یا ئهندنۆسیا یا پشكدار د پرۆسهیا لێگهریانێ دا دیاركر، شیاینه جهێ فرۆكهیێ دیاربكهن و پارچهیێن وێ ژ دهریاى بینن دهر.
یوسرى یونۆس، پهیڤدارێ پۆلیسێن جاكارتا ب ئاژانسا فرانس پرێس راگههاندییه، چهند پارچهكێن لهشى ژ دهریایێ ئیناینه دهر و گههاندینه نهخۆشخانهیا تایبهت یا پۆلیسان ژ بۆ ئاشكهراكرنا ناسنامهیا وان، لێ د پشت راست نینن ئهو پارچه یێن لهشێ كهسهكى نه یان گهلهك كهسان.
