ئێڤارییا ئەڤرۆ شەمبی 8 نیسانا 2023، نێچیرڤان بارزانی، سەرۆکێ هەرێما کوردستانێ د بەردەوامییا دیدار و کۆمبوونێن خۆ دا ل بەغدا، دگەل محەمەد شیاع سوودانی، سەرۆک وەزیرێن عیراقا فیدڕال کۆمبوو.
د کۆمبوونێ دا سەرۆک نێچیرڤان بارزانی پشتەڤانییا هەرێما کوردستانێ بۆ سەرۆک وەزیرێن حکومەتا فیدڕال یا عیراقێ و بجهئینانا کارناما وی دوپاتکر، هەر وەسا پەسنا پێنگاڤێن سوودانی و کار و بزاڤێن وی بۆ بجهئینانا کارناما حکومەتێ و ڕێککەڤتنا سیاسی یا هەڤپەیمانییا ب ڕێڤەبرنا دەولەتێ کر.
ژ لایێ خۆڤە سوودانی سوپاسی و پێزانینێن خۆ بۆ ڕولێ سەرۆک نێچیرڤان بارزانی و بزاڤێن وی یێن بەردەوام بۆ لێکنێزیککرنا لایەنان و چارەسەرکرنا ئاریشەیا دیارکرن و دوپاتی ل گرنگییا بەردەوامییا گۆتوبێژێن حکومەتا هەرێما کوردستانێ و حکومەتا فیدڕالی یا عیراقێ بۆ چارەسەرکرنا ئاریشەیان کر.
هەردوو لا د هەڤڕابوون ل سەر پێدڤییا بجهئینانا ڕیککەڤتنناما دەستپێکرنا هنارتنا نەفتا هەرێما کوردستانێ و پشتەڤانییا لایەنێن سیاسی ل جڤاتا نوونەران بۆ دەربازکرنا یاسایا بودجەیا گشتی یا عیراقێ، هەروەسا تەکەزی ل بەردەوامییا هاریکارییا هەڤپشک یا دناڤبەرا هەولێر و بەغدا دا د هەمی بواران دا کر.
