سەرۆک بارزانی ب هەلکەڤتا جەژنا قیامە، پیرۆزباهییێ ئاراستەی کریستیانێن کوردستان و عیراق و هەمی جیهانێ دکەت.
ئەڤرۆ شەمبی 8 نیسانا 2023، سەرۆک مەسعود بارزانی، پەیامەکا پیرۆزباهییێ ب هەلکەڤتا جەژنا قیامە ئاراستەی کریستیانان دکەت و تیدا هاتیە،”هیڤیدارم ئەڤ هەلکەڤتە ببیتە ئەگەرێ مۆکومکرنا برایەتی و تەباییێ دناڤبەرا هەمی نەتەوەیا و ب دووڤ کەڤتییێن گشت ئایینێن دەڤەرا مە.”
هەروەسا سەرۆک بارزانی د ڤێ هەلکەڤتێدا هیڤیا ئاشتی و بەختەوەری و شادییێ بۆ هەمی کریستیانان دخوازیت.
دەقێ پەیاما سەرۆك بارزانی ب هەلکەڤتا جەژنا قیامە:
بناڤێ خودایێ مەزن و دلۆڤان
ب هەلکەڤتا هاتنا جەژنا قیامە یا حەزرەتی مەسیح (سلاڤێن خودێ ل سەربن)، گەرمترین پیرۆزباهییێن خۆ ئاراستەی خویشك و برایێن كریستیان ل كوردستان و عیراق و هەموو جیهان دكەم.
هیڤیدارم ئەڤ هەلکەڤتە ببیتە ئەگەرێ بهێزکرنا برایەتی و تەبایی یا دناڤبەرا هەمی نەتەوە و ب دووڤ کەڤتییێن گشت ئایینێن دەڤەرا مە.
د ڤێ هەلکەڤتێدا هیڤیا ئاشتی و بەختەوەری و شادییێ بۆ هەمی خیشک و برایێن مە یێن کریستان دخوازم.
