وه‌زاره‌تا خێزان و كاروبارێن كۆمه‌لایه‌تى ل توركیا راگه‌هاند، تا نوكه نه‌شیاینه ناسناما 21 زارۆكان ده‌ستنیشانبكه‌ن كو ل ده‌ڤه‌رێن ئه‌ردهه‌ژا مه‌ره‌شێ زیان ڤێكه‌فتى.
وه‌زاره‌تا خێزان و كاروبارێن كومه‌لایه‌تى به‌لاڤكریه، هزار و 915 زارۆك ل ده‌ڤه‌رێن ئه‌ردهه‌ژێ هاتینه رزگاركرن. پشتى ده‌ستنیشانكرنا ناسناما وان، هزار و 786 زارۆك راده‌ستی خێزانێن وان كرینه و 80 زارۆك ل نه‌خۆشخانێ چاره‌سه‌ركریه، و نوكه ئێخستینه لبن چاڤدێریا دامه‌زراوه‌یا ده‌وله‌تێ. 41 زارۆك ل نه‌خوشخانێ چاره‌سه‌ریێ وه‌ردگرن و تا نوكه نه‌شیایینه ناسناما 21 زارۆكان ده‌ستنیشانبكه‌ن.
دیار ژى كریه، حه‌فت زارۆكان ل ده‌مێ وه‌رگرتنا چاره‌سه‌ریێ ل نه‌خۆشخانێ گیانێ خۆ ژده‌ستدایه.
پشتى ئه‌ردهه‌ژێ، زیان ب هه‌شت پارێزگه‌هێن باكوورێ كوردستان و سێ پارێزگه‌هێن توركیا كه‌ت، و تا نوكه نوكه زێده‌تر ژ 24 ئه‌ردهه‌ژێن بچیك هاتینه توماركرن.
سلێمان سۆیلو، وه‌زیرێ نافخۆ یێ توركیا راگه‌هاند، هژمارا وان كه‌سێن ژبه‌ر ئه‌ردهه‌ژێ گیانێ گیانێ خو ژده‌ستدایێ گه‌هشتیه 50 هزار و 399 كه‌سان.
