وەزارەتا ناڤخۆ یا حکومەتا هەرێما کوردستانێ رەخنێن توند ل ئاخفتنێن وەزیرا کۆچ و کۆچبەرێن عێراقێ دگریت و گۆت، هۆكارێ سەرەكی یێ ڤهنهگهریانا ئاواران ههبوونا كۆمهكا هێزێن نهیاساییە ل دەڤەرا شنگالێ و بجهنهئینانا رێككەفتنا دناڤبهرا حكومەتا هەرێمێ و حكومەتا فیدرالی.
وهزارهتا ناڤخۆ یا حكومهتا ههرێما كوردستانێ بهرسڤا وهزیرا كۆچ و كۆچبهرێن عیراقێ دا و دیار كر، ههرێما كوردستانێ ههردهم ل گهل ڤهگهڕاندنا ئارهزۆمهندانه یا ئاواره و پهنابهران بوویه، زێدهبارى قهیرانێن دژورا یێن دارایى.
ههروهسا گۆتییه: ههرێما كوردستانێ چهندین سالن مێڤاندارییا ب سهدان هزار ئاوارێن ناڤخۆ یا عیراقێ و پهنابهرێن وهلاتێن دهوروبهر دكهت، زێدهبارى رهوشا دژوار و قهیرانا دارایى، حكومهتا ههرێما كوردستانێ ئهركێ سهرهكى یێ مێهڤاندارییا ب دههان كهمپێن ئاواره و پهناباران ب ستۆیێ خۆ ڤه گرتییه و ژ ئالییێ ئابوورى ڤه تێچوویهكا مهزن كهفتییه سهر ملێن حكومهتا ههرێمێ.
تهكهزهی ل هندێ كرییه”، ل دهف ههموو یان یا ئاشكرایه ئهو سهدان هزار ئاواره و پهنابهره ژ ترسا زۆردارى و تیرۆرێ و ب ئهگهرێ جۆداهییا تائیفهگهرى و نهبوونا ئاسایش و ئارامییێ، دهڤهرێن خۆ بجهـ هێلاینه و قهستا ههرێما كوردستانێ كرینه و پشكا مهزن د كهمپان دا ئاكنجى بووینه، حكومهتا ههرێما كوردستانێ ب سینگهكێ بهرفرههـ بزاڤا هاریكارى و د هاوارچوونا ئاوارهیان دایه و ئهزموونهكا سهركهفتى د وارێ مێهڤاندارییا ئاواران دا ل سهر ئاستێ دهڤهرێ ههبوویه، ههروهسا ههردهم ل گهل ڤهگهڕاندنا ئارهزۆمهندانه و سهربلند یا ئاواره و پهنابهران بۆ سهر مال و حالێ خۆ و بۆ ڤێ مهرهمێ ژى بجهئینانا رێككهفتنا دناڤبهرا حكومهتا ههرێما كوردستانێ و حكومهتا عیراقێ باشترین نهخشهرێیه بۆ ڤهگهراندنا ئاواران و ئاسایكرنا رهوشا ژیانا ئاواران و خهلكێ دهڤهرێ ل گهل وێ چهندێ ژى تێگههشتنهكا باش د ناڤبهرا حكومهتا ههرێمێ و حكومهتا فیدرالی بۆ دیتنا چارهسهرییێ بۆ ههموو كێشێن ههلاویستى و چاڤهرێیه كێشا ئاواران و ڤهگهراندنا وان بۆ دهڤهرێن وان بهێته چارهكرن.
ئهو ژی گۆتییه، جهێ دلگرانییێ یه وهزیرا كۆچ و كۆچبهرێن عیراقێ د چاڤپێكهفتنهكێ دا ل جهێ ئاماژێ ب ئهگهرێن سهرهكى یێن نهڤهگهریانا ئاواران و ئهو ئاستهنگێن ههمبهرى رێككهفتنا شنگالێ بكهت، كهفتییه موزاییدێ و بهلاڤكرنا گۆتنێن نهبهرپرسانه و بێ بنهما د بابهتێ ئاواران دا و بكارئینان بۆ مهرهمێن خۆ یێن سیاسى ئهڤ جۆرێ دنیابینییێ و دانا داخویانییان ڤهشارتنا خواستا ئاوارهیانه بۆ ڤهشارتنا راستییان و ب چ رهنگان خزمهتا رهوشا ئاواران و ئاسایبوونا ژیانا وان ناكهن.
وهزارهتا ناڤخۆ یا ههرێما كوردستانێ ئهو ژی راگههاندییه، ئهگهرێ سهرهكى یێ ڤهنهگهریانا ئاواران پله ئێك ههبوونا كۆمهكا هێزێن نهیاسایى یه ل دهڤهرا شنگالێ و بجهئینانا رێككهفتنا دناڤبهرا حكومهتا ههرێمێ و حكومهتا عیراقێ یه و ل جهێ ئاسایكرنا رهوشا شنگالێ، ب لێبۆرین ڤه ههتا نوكه ب ناڤێ ئاڤهدانكرنێ هاریكاری یێن مادى پێشكێشى هیز و میلیشیایێن نهقانوونى دهێنه كرن.
وهزارهتا ناڤخۆ دبێژیت ژی: ههكه وهزیرا كۆچ و كۆچبهران و ههڤئاوازێن وێ هنده د راستگۆبن و د خهما ژیانا ئاواران دابن و كار بۆ ئاساییكرنا رهوشا شنگالێ بكهن، ل وى دهمى ئاڤاكرن دێ ب ساناهیتر بیت و ههردهم دێ خزمهتا ئاواران و ئاسایبوونا ژیانێ هێته كرن.
