وەزارەتا ساخلەمییا حکومەتا ھەرێما کوردستانێ ئامارێن نوو یێن کۆرۆنایێ راگەھاند و د ٢٤ دەمژمێرێن بۆری دا ٦٨ کەس تووشێ ڤایرۆسا کۆرۆنایێ بووینە و ٩٦٨ تووشبوو ژی چاکبووینەڤە.
ھەر ل گۆری راگەھاندنا وەزارەتێ، د ٢٤ دەمژمێرێن بۆری دا شەش تووشبوویێن کۆرۆنایێ ل ھەرێمێ گیانێ خۆ ژ دەست داینە کو ٢ ل ھەولێرێ، ٢ ل سلێمانیێ و ١ ل دھۆکێ و ١ ژی ل گەرمییانێ بوویە.
وەزارەتا ساخلەمیێ راگەھاندییە، وان د ٢٤ دەمژمێرێن بۆری دا ٣ ھزرا و ٧٥٧ پشکنینێن کۆرۆنایێ ئەنجامداینە کو رێژەیا ھەرە زۆر یا پشکنینان ل پارێزگەھا دھۆکێ بوویە، ئەو ژی ٢ ھزار ٢٣٠ پشکنین بوویە.
ل گۆری راگەھاندنا وەزارەتا ناڤھاتی ژی: زۆرترین رێژەیا تووشبوینێ ل پارێزگەھا سلێمانێ بوویە کو ٣٥ تووشبوونە. ل ھەولێرێ ژی ١١ کەس، ل دھۆکێ ٢٠ کەس، ل گەرمیان ژی ٢ کەیس تووشی کۆرۆنایێ بووینە.
ژ ده‌ستپێكا به‌لاڤبوونا كۆرۆنایێ و هه‌تا نھا نوكه ١٠٤ ھزار و ٤٠٢ کەسان ل ھەرێمێ تووشی کۆرۆنایێ بووینە، ژ وێ ھەژمارێ ژی ٧٩ ھزار و ٩٧٠ کەس چاکبووینەڤە و ٣٤ ھزار و ٢٤ کەسان ژی ب ئەگەرێ کۆرۆنایێ گیانێ خۆ ژ دەستداینە.
