ژ ئه‌گه‌رێ له‌هییان زیان گه‌هشتییه‌ چه‌ندین خێزانان ل ناحییا كانی ماسێ

ئاژانسا خانی” تایبه‌ت:

سالح حه‌مدی” رێڤه‌به‌رێ ناحییا كانی ماسێ” بۆ ئاژانسا خانی دیار كر: ژ ئه‌گه‌رێ وان له‌هییێن ل رۆژێن بوری رابووین” زیان گه‌هشتییه‌‌ چار خانیان ل گوندێ تیشه‌مبیكێ و ئاڤ چوویه‌ وان هه‌ر چار مالان و هه‌روه‌سا نێزیكی 50 مێشێن هنگڤینی به‌ر ئاڤ كه‌فتینه‌ و چه‌ندین ته‌رشوكه‌وال ژی ل هه‌مان گوند ئاڤی برینه‌ و ترۆمبێله‌ك ژی به‌رئاڤێ كه‌فتییه‌ و گه‌له‌ك زیان گه‌هشتینێ” ل گوندێ بێشیلێ ژی چار زه‌ڤی به‌ر ئاڤێ به‌ركه‌فتییه‌” و دیسان زیان گه‌هشتییه‌ پرۆژێ ئاڤا گوندێ گركا و تیشه‌مبیكێ و نوكه‌ كار دهێته‌ كرن بۆ‌ چاره‌سه‌ركرنا وان هه‌ردو پرۆژێن ئاڤێ.

ناڤهاتی گۆت ژی: له‌هییان زیان گه‌هاندییه‌ پره‌كا په‌یاده‌ ل گوندێ چه‌لكا نه‌سارا ل سه‌ر رووبارێ خابیری و ئاڤێ ئه‌و پره ژی‌ برییه‌.