کانیيا بێدلێ ئەوا دکەڤیتە دناڤبەرا ناوچه‌داریێن شێلادزێ و دێرەلوکێ دا مینا جھەکێ بێھنڤەدانا ھەردوو ناوچه‌دارییان دھێتە ھژمارتن و رۆژێن كو كه‌ش و هه‌وا د خۆش بن، ب سەدان خێزان قەستا وی جھی دکەن ژبۆی سەیرانان. پشتی کو ڤایرۆسێ کۆرۆنایێ بەربەلاڤ بووی ئەو جهه ھاتبووگرتن، لێ ئەڤرۆ جارەکا دی ژلایێ باژێرڤانییا شێلادزێ ڤە ھاتەڤەکرن.
ئەندازیار سەربەس حوسێن سەرۆکێ باژێرڤانییا شێلادزێ بۆ خانی نیۆز دیارکر کو وان دەست ب ڤەکرنا رێکێن جھێ سەیرانییان کریه و ھەمی رێکێن وێ ده‌ڤه‌رێ ھاتینە ڤەکرن و ئێدی ئەو دشێن ب ترۆمبێلێن خۆڤە قەستا وی جھی بکەن.
سەرۆکێ باژێرڤانییا ناڤھاتی گۆت ژى: د ڤان رۆژان دا دێ ھەوەکا بەرفرەھ یا پاقژییا وی جھی دەست پێکەین دا کو وه‌لاتی بشێین دەمێن خۆ ب خۆشی لێ بۆرینن.
خانی نیۆز، سامی رێکانی
