نێچیرڤان بارزانی، سه‌رۆكێ هه‌رێما كوردستانێ د ڕۆژا جیهانییا كرێكاراندا پەیامەك بەلاڤكر.
دەقێ پەیامێ؛
ئێكێ گولانێ، ڕۆژا جیهانییا كرێكاران، ب گەرمی ل كرێكارێن كوردستان، عیراق، جیهان، سەندیكا و ڕێكخراوان پیرۆز دكەم. پشكداری و قوربانیدانا كرێكارێن كوردستانێ د شۆرەش و رۆلێ دیار و زەحمەت د پرۆسەیا بنیات دانان و ئاڤەدانكرنا كوردستانێ بلند د نرخینم و هیڤییا سەركەفتنێ بۆ دخوازم.
د ئەڤێ ڕۆژێدا سەرەرای دەربڕینا هەمی پشتەڤانییەكێ بۆ ماف و داخوازێن ڕەوایێن كرێكاران، دووپات ل پێدڤییێن هەبوونا یاسایەكا سەردەم یا كار بۆ پاراستنا مافێن كرێكاران و ڕەخساندنا زەمینەیا سلامەت، ژینگەهێ و ڕێكخستنا دروست یا دەمژمێرێن كار و یەكسانییێ د دەرفەتێن كاریدا دكەین، هەروەسا دڤێت گرنگییەكا زێدەتر ب ژیان و گوزەرانییا كرێكار و خێزانێن ئەوان بدەین و سەندیكا و ڕێكخراوێن كرێكاران ژی زێدەتر بۆ مافێن ئەوان كاربكەن.
سلاڤ و ڕێز بۆ خێزان و كەسوكارێن ئەوان كرێكاران د هنێرین یێن د دەمێ كاریدا گیانێ خۆ ژ دەستداین و پێدڤییە ئالییێن پەیوەندیدار ژ هەمی روویەكی ڤە چاڤدێرییێ بۆ بكەن و هاریكارییا بگەهینێ.
ئێكێ گولانێ ل هەمییان پیرۆز بیت و بهێنڤەدانەكا ئارام و ب مفا بۆ كرێكاران د خوازم.
نێچیرڤان بارزانی
