ل دووڤ پێشبینیێن وه‌زاره‌تا پلاندانانا عیراقێ، رێژه‌یا هه‌ژارییێ ل عیراقێ كێمبوویه، كو 22%ێ یا ئاكنجییان پێكدئینیت و رێژه‌یا بێكارییێ ژى گه‌هشتییه دسه‌ر 16%ێدا و وه‌زاره‌ت بزاڤێن بده‌ستخستنا ئامارێن نوو دكه‌ت.
عه‌بدلزه‌هره هینداوى په‌یڤدارێ وه‌زاره‌تا پلاندانانێ راگه‌هاند، دێ ل ڤان نێزیكان دوڤچوونێن وان یێن ئابوورى و جڤاكى و خێزانى ده‌ستپێكه‌ن، ل دووڤ پێشبینییێن وان رێژه‌یا هه‌ژارییێ كێمبوویه، رێژه‌یا ئه‌وێن دهێلا هه‌ژارییێدا دژین به‌ره‌ڤ كێمبوونێ دچیت، ل سالێن 2007 و 2009 رێژه 7%ێ بوو، ل سالا 2014 ببوو 6%ێ و ل سالێن 2017 و 2018 بۆ 5%ێ كێمبوو، پێشبینییێن وان ئاماژێ ب هندێ دده‌ن كو رێژه‌یا هه‌ژارییێ ل ڤان سالێن دووماهییێ گه‌له‌ك كێمبوویه.
