سه‌رۆكێ حكومه‌تا هه‌رێما كوردستانێ پێشوازى ل بالیۆزێ ئه‌لمانیا ل عیراقێ كر

سه‌رۆكێ حكومه‌تا هه‌رێما كوردستانێ پێشوازى ل بالیۆزێ ئه‌لمانیا ل عیراقێ كر و د دیداره‌كێدا ل دانوستاندن ل دۆر پێشڤه‌برنا په‌یوه‌ندییێن دوستانه‌ یێن دناڤبه‌را هه‌رێما كوردستانێ و ئه‌لمانیادا هاته‌كرن.

مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل مارتن یێگه‌ر بالیۆزێ ئه‌لمانیا ل عیراقێركر كو ناڤبرى ب مه‌ره‌ما ب دووماهى هاتنا ئه‌ركێ خوه‌ و خاتر خواستنێ سه‌ره‌دانا سه‌رۆكێ حكومه‌تێ كربوو.

سه‌رۆكوه‌زیران مه‌سور بارزانى سوپاسییا بالیۆزێ ئه‌لمانیا كر كو د ماوێ بووریدا كار بۆ پێشڤه‌برن و مۆكۆمكرنا په‌یوه‌ندییێن هه‌رێما كوردستانێ و عیراقێ دگه‌ل ئه‌لمانیا كربوو، هیڤییا سه‌ركه‌ڤتنێ د ئه‌ركێن بهێندا بۆ خواست.

بالیۆزێ ئه‌لمانیا ل عیراقێ سوپاسى و پێزانینێن خوه‌ بۆ ئاسانكارى و هه‌ماهه‌نگییا لایه‌نێن په‌یوه‌ندیدارێن حكومه‌تا هه‌رێما كوردستانێ دگه‌ل بالیۆزخانه‌ و كونسۆلخانه‌یا وه‌لاتێ خوه‌ ده‌ربرین.

دته‌وه‌ره‌كێ دییێ كۆمبوونێدا دانوستاندن ده‌رباره‌ى پێشڤه‌برنا په‌یوه‌ندییێن دوستانه‌ یێن دناڤبه‌را هه‌رێما كوردستانێ و ئه‌لمانیا دا  ب تایبه‌تى دبوارێ وه‌به‌رهێنان و ئالۆگۆرا بازرگانیدا هاته‌ كرن، بۆ ڤێ مه‌ره‌مێ ژى بریاره‌ دڤێ هه‌یڤێدا شانده‌كێ مه‌زنێ بازرگان و خۆدانكار و وه‌به‌رهێنه‌رێن ئه‌لمانی سه‌ره‌دانا كوردستانێ بكه‌ن.