بەرپرسەکێ وەزارەتا ساخلەمییا ئیراقێ دەمێ گەھشتنا ڤاکسینا دژی کۆرۆنایێ ب وەلاتێ خۆ، ئاشکرا کر.
ریاز عەبدولئەمیر، رێڤەبەرێ ساخلەمییا گشتی ل وەزارەتا ساخلەمییا ئیراقێ راگەھاند، د دەمێ حەفتیەکێ یان دووحەفتیێن بھێت دا وەزارەتا ساخلەمییا ئیراقێ دێ گرێبەستێ دگەل کۆمپانییا فایزەر بۆ ھنارتنا ڤاکسینێ دژی کۆرۆنایێ بۆ ئیراقێ ئیمزاکەت.
رێڤەبەریا ساخلەمییا گشتی ل وەزارەتا ساخلەمییا ئیراقێ ئاشکرا کر، ل دەسپێکا شوباتا ٢٠٢١ێ یان ژی ل ناڤەراستا ھەمان ھەیڤدا ڤاکسینێ دژی کۆرۆنایێ دێ گەھیتە ئیراقێ.
تا نوکە ٦٠٢ ھزار و ٩٣٨ کەس ل ئیراقێ توشی کۆرۆنایێ بووینە، ژ وێ ھژمارێ ژی ١٢ ھزار و ٨٩٥ کەسان گیانێ خۆ ژدەست دایە.
