پروژەیێ جهێ ڤەحەواندنا گيانەوەرێن بەرەلا ب ڕێژەیا 48% هاتیە دروستکرن و د نوکە دا كارێ كونكريتكرنا بانێ ئاڤاهيان ب دوماهی هاتيه.
ئیسماعیل مستەفا، بەرپرسێ ڕاگەهاندنا سەرۆکاتییا باژێرڤانییا دهۆكێ بۆ ئاژانسا خانی گۆت:”پرۆژەیێ ناڤهاتی ژ بودجەیا تایبەت یا پارێزگەها دهۆكێ یە و ب كوژمێ 323 ملیۆن دیناران ل سەر روبەرێ چار دونەمێن ئەردی دهێتە بجهئینان.”
ئاماژە کر ژی، ئاڤاهى ل سەر ڕۆبەرێ (700)م2 دهێتە دروستكرن و ب ئەنجامدانا وی پرۆژەى گيانەوەرێن بەرەلا و ب تايبەت ئەوێن ل سەرجاددان و ل ناڤ تاخان دا دهێنە دیتن دێ بۆ وی پرۆژەی هێنە ڤەگۆهاستن و دێ هێنە ڤەحەواندن.
