دهێتە چاڤەڕێکرن شاندەکێ حکومەتا هەرێما کوردستانێ سەرەدانا بەغدا بکەت و دگەل لژنەیا دارایی یا پەرلەمانێ عیراقێ کۆمبوونەکێئەنجام بدەت.
د.خەلیل غازی، ئەندامێ جڤاتا نوونەرێن عیراقێ ل سەر پشکا پارتی دیموکراتی کوردستان بۆ ئاژانسا خانی گۆت:”ئەم د بزاڤێن بەردەوامداینە ژ بۆ بنەجهکرنا مووچەیێن فەرامانبەران و شایستەیێن دارایی یێن هەرێما کوردستانێ ژ بودجەیا گشتی یا عیراقێ.”
د.خەلیل غازی دیارکر، ئەوان گەلەک تێبینی ل سەر پشکا کوردان ژ پڕۆژەیێ بودجەیا گشتی یا عیراقێ هەنە و چاڤەڕێ دکەن کو شاندەکێحکومەتا هەرێما کوردستانێ، سەرەدانا بەغدا بکەت و دگەل لژنەیا دارایی یا جڤاتا نوونەرێن عیراقێ کۆم ببیت، ب مەرەما لێکتێگەهشتنالدۆر وێ ڕێککەفتنا دناڤبەرا هەولێر و بەغدا دا هاتیە کرن.
ئاماژە کر ژی، وەکو فڕاکسیۆنا پارتی ل جڤاتا نوونەرێن عیراقێ ب هەڤپشکی دگەل فڕاکسیۆنێن دی یێن کوردی، دێ هەمی بزاڤان کەن ژبۆ ڕاستڤەکرنا گەلەک ژ ماددەیێن پرۆژە بودجەیا عیراقێ ب گشتی و ب تایبەتی ژی پشکا هەرێما هەرێما کوردستانێ.
د.خەلیل غازی دەربارەی دەمێ پەسەندکرنا بودجەیا گشتی ژ لایێ جڤاتا نوونەرێن عراقێ ڤە گۆت:”تا نوکە چ دەمەکێ دەستنیشانکری بۆپەسەندکرنا بودجەیا گشتی نینە، لێ پێشبینیکریە تا 20 گۆلانێ جڤاتا نوونەران دەنگ ل سەر پەسەندکرنا پرۆژە یاسایا بودجەیا گشتی یاعیراقێ بدەت.
