دو هزار سەرۆک و سەرکردێن جیهانی د رێورەسمێن دانانا تاجێ ل سه‌ر سه‌رێ شاھ چارلسێ سێیێ دێ ئامادە بن

ئەڤرۆ شەمبییێ رێورەسمێ دانانا تاجێ ل سەر سه‌رێ شاھ چارلسێ سێیێ دێ هێته‌ دانان و ئه‌و رێورەسمه‌ دووماهی جار 70 سالان به‌ری نوكه‌ بۆ ئێلیزابێزا دووێ هاتبوو گیران.

ئه‌ڤ رێوره‌سمه‌ دبیته رێوره‌سمێ 40 ێ بۆ دانانا تاجی بۆ شاهێ بریتانیا، كو هه‌ر ژ سالا 2022 ێ هه‌تا نوكه‌ ئاماده‌كارى بۆ دانانا رێوره‌سمێ ئه‌ڤرۆ هاتینه‌ كرن.

ئه‌و رێوره‌سمه‌ دێ ل كه‌نیسا وێستمینسته‌ر ب پشكدارییا دو هزار مێهڤانان هێته‌ گێران و دێ تاج ل سه‌ر سه‌رێ چارلسێ سێیێ هێته‌ دانان.