ئەندامهكا لژنا پەروەردێ ل پەرلەمانێ کوردستانێ دیار كر: ئێک ژ پرۆژێن کابینا نههێ یێ حکومەتا هەرێما کوردستانێ بۆ خزمەتكرنا کەرتێ پەروەردێ” دانانا پرۆژەكێ تایبەته ب پەروەردێ ڤه” كو ئهو پرۆژه ژ 185 مادێن تایبەت ب کەرتێ پەروەردێ ڤە پێکهاتییە و پێشبینی دهێته كرن ل سالا بهێت” ئهو پرۆژه بهێته پهیرهو كرن و بهری نوكه چهندین جاران سیستهمێ پهروهردێ هاتییه راستڤهكرن” بهلێ هند گوهۆرین تێدا نههاتبوون كرن” سیستهمێ پهروهردێ ههموو تێدا هاتییه پهیرهو كرن” ههر ژ پولا ئیكێ ههتا پۆلا دازدێ ” ل گهل پاراستنا قۆتابی دناڤا قوتابخانێ دا” ل پۆلا 10 و 11 دا” دڤێت قۆتابی ڤهكۆلینهكێ چێكهت” داكو ل دهمێ دچیته زانكۆیێ پێزانێن باش ل سهر دروستكرنا ڤهكۆلینان ههبیت.
گۆلستان باقی، زێدهتر بۆ ئاژانسا خانی دیار كر: پرۆژێ پەروەردێ ژ جڤاتا وەزیران هاتییه رەوانە كرن بۆ پەرلەمانی کوردستانێ، پتر ژ سالهكێ مه كار ل سهر وی پررۆژهیی كرییه و باشترین کار ل سەر هاتییه کرن و مهرهم ژ دانانا وی پرۆژەیی پتر رێکخستنا سیستەمێ خواندنێ یه ل کەرتێ پەروەردێ و ژ 185 مادان پێکهاتییه” بهری نوكه ژی مه یاسایێ پەروەردێ هەبوو، بەلێ وەکو ئەڤی پرۆژەكێ مەزن و باش نەبوویە و ب خۆش حالی ڤه دڤێ خۆلا پهرلهمانێ كوردستانی دا باشترین کار ل سەر پرۆژێ پەروەردێ هاتییه کرن و ئهڤه دێ بیته ئهگهر كو د داهاتی دا نفشێ نوو خودان پلان و هشیارییەكا باش بیت.”
ناڤهاتییێ گۆت ژی: ”هەموو مادێن وی ئەم پرۆژەیی د گرنگن و بهحسێ ژینگهههكا باش و رێکخستی دناڤا قوتابخانان دا دكهن بۆ هندێ قوتابی بشێت باشترین زانست د قوتابخانان دا وەربگریت و ههروهسا ئهو پرۆژە بۆ وهرگرتنا دووماهی تیبینی هاتییه رەوانە كرن بۆ سەرۆکاتییا هەرێما کوردستانێ و دهێته پێشبینی كرن ل سالا بهێت خواندنا وی پرۆژەیی ل سەرانسەری هەرێما کوردستانێ بکەڤیتە د بیاڤێ بجهئینانێ دا و د ڤی پرۆژهیی دا مه دڤێت نڤشهكێ نوو دروست بكهین و د ههمان دهمدا رێزگرتن ل مامۆستایی بهێته گرتن” ههروهسا مه بابهتێ قوتابخانێن سێ دهوامی ژی ل گهل وهزیرێ پهروهردێ بهحس كرییه و وی ژی دایه خویا كرن” ئهو دێ ههموو بزاڤان كهن كو ئێدی قوتابخانێن سێ دهوام لێ دهێنه كرن نهمینن.
