بەرپرسێ ڕاگەهاندنێ ل سەرۆکایهتییا باژێڕڤانییا دهۆکێ دیارکر، د بەردەوامییا بجهئینانا پرۆژهیێن نوو یێن خزمەتگۆزاریدا یێن کو ل سەر دەمێ کابینهیا نەهێ یا حکومەتا هەرێما کوردستانێ دهێنە بجهئینان ژ وان ژی پرۆژهیێن ڤەکرن و قێرکرنا جاددهیان، دەست ب ڤەکرن و قێرکرنا جاددهیێن ژمارەکا تاخێن باژێڕێ دهۆکێ هاتەکرن.
ئیسماعیل مستەفا، بەرپرسێ ڕاگەهاندنێ ل سەرۆکایهتییا باژێڕڤانییا دهۆکێ بۆ ئاژانسا خانى ئاشكراكر، بجهئینانا پرۆژهیێن خزمەتگۆزاری ل هەموو تاخێن باژێڕێ دهۆکێ بێ جووداهی ژلایێ سەرۆکایهتییا باژێڕڤانییا دهۆکێڤە یا بەردەوامە و دەست ب ڤەکرن و قێرکرنا ژمارەکا جاددهیان ل سنوورێن باژێرڤانییا رۆژهەلات و رۆژئاڤا هاتەکرن، دهەمان دەمدا قووناغا دووێ یا کارێ پرۆژێ ڤەکرن و تێکەلکرن و زفتکرنا ژمارەکا جاددهیان ل تاخێ پیشەسازییا نوو ل پشت پێشانگەهێن ترۆمبێلان ب رووبەرێ 9000 مەترێن دووجا ب دووماهی هات.
