بەرھەڤی بۆ حەجا ئەڤ سالە ھاتینە کرن

ئاژانسا خانی ” تایبەت:

پەیڤدارێ حەج و عومرا ھەرێما کوردستانێ ئاشکرا کر، بەرھەڤی بۆ ئەنجامدانا حەجا ئەڤ سالە ھاتینە کرن و بڕیارە چار ھزار و 685 کەس ل ھەرێما کوردستانێ فەریزا حەجێ بجهبینن.

کاروان ستوونی، زێده‌تر بۆ ئاژانسا خانی دیارکر” رێڤەبەرییا گشتییا حەج و عومرێ بەرھەڤی بۆ ئەنجامدانا ێرۆسا حەجا ئەڤ سالە کرینه‌ و ھەموو ئاسانکاری بۆ چوونا حەجییان ھاتینە کرن و بڕیارە چار ھزار و 685 کەس ژ ھەرێما کوردستانێ فەریزا حەجا ئەڤ سالە بجهبینن، دیارکرنا ھژمارا حەجییان لدووڤ ئامارا وەزارەتا پلاندانانا عێراقێ بوویە و پشکا ھەرێمێ ھاتیسە دیار کرن.

ناڤهاتی گۆت ژی” ھەر وەلاتییەکێ ناڤێ وی بۆ پرۆسا حەجێ دەرکەفتبیت و گیانێ خوە ژ دەستدابیت ئەندامەکێ خێزانا وی دشێت حەجێ ئەنجام بدەت، وەزارەتا ئەوقافێ دێ تیمەکا خوە ھنێریتە سعودییێ بۆ برێڤەبرنا کاروبارێن حەجییان ل وەلاتێ سعودییێ  و دێ د خزمەتا حەجییان دابن بۆ ئەنجامدانا فەریزا حەجێ.