مەسرور بارزانێ: ب کێمی بارزان 16 جاران وێران بوویە و دوبارە هاتیە ئاڤەدانکرن ڤە

مه‌سرور بارزانی، سەرۆکێ حکومەتا هەرێما کوردستانێ، ل دەمێ پێشوازیکرنێ ل مێهڤانێن ڤەکرنا مۆزەخانا نیشتیمانی یا بارزان، بۆ مێهڤانان گۆت:” گەلەک یێ دلخۆشم کو هەڤال و هەماهەنگکارێن کوردستانێنە.”

هەروەسا سەرۆکێ وەزیران گۆت:” سوبەهی دێ مە ئیڤێنتەک هەبیت بۆ ڤەکرنا مۆزەخانەیەکێ، کو د ئاخڤیت و نیشاندەرا دیرۆکا مەیە، کو هوون هاریکارێن مە بوون د ئاڤاکرنا وێ دا.”

مه‌سرور بارزانی گۆتژی: “ئەم گەلەک د دلخۆشین کو مە هوون هەین، جهێ شانازییێ یە کو ئەڤرۆ دبینین کوردستان بەرەڤ پێشڤە دچیت.”

ئاماژە کر ژی: “به‌ره‌ڤپێشڤەچوونا مەزن بۆ چارەسەرییا ئاریشەیێن مە دگەل بەغدا دهێتە دیتن.”

سەرۆکێ وەزیران گۆت:”ئەز یێ دلخۆشم کو پڕانییا مێهڤان و هەڤکارێن مە ل پشکێن جودا یێن جیهانێ هاتینە و دگەل مەنە، سپێدێ دێ مە گەشتەکا خۆش هەبیت، ڕەنگە پیچەک یا دوور و درێژ بیت، کو دوو دەمژمێران دێ بەرەڤ بارزانڤە چین، هیڤیدارم ئەڤ گەشتە یا دلخۆشکەر بیت.”

ئاشکراکر ژی:” ب کێمی بارزان 16 جاران وێران بوویە، دووبارە هاتیە ئاڤاکرن ڤە، لەورا سوبەهی ئەم دێ چین و سەرەدانا وێ مۆزەخانێ کەین یا کو باس ل دیرۆکا خەلکێ مە دکەت، کو دیار دکەت کا مە ژ کیڤە دەستپێکر و ئەڤرۆ ل کیڤەینە، گەلەک ژ هەوە د هەماهەنگکاربوون بۆ ئاڤەدانکرنا ئەڤێ کوردستانێ یا کو ئەڤرۆ دبینن، سوپاس بۆ هەماهەنگییا هەوە، یا ژ هەمییێ گرنگتر زۆر سوپاس بۆ بەردەوامییا هەڤالینییا هەوە.”